Ciamar a tha am BBC air a dhèanamh pearsaichte dhòmhsa?
Air Duilleag-dachaigh a’ BhBC
Airson do Dhuilleag-dachaigh BBC a chur air dòigh, an toiseach feumaidh tu logadh a-steach. An uairsin faodaidh tu cuspairean anns a bheil ùidh agad a chur ris, agus d’ àite a sheatadh airson naidheachdan is aimsir ionadail fhaighinn.
Molaidh sinn prògraman telebhisean a tha sinn a’ smaoineachadh a chòrdadh riut, agus aig amannan seallaidh sinn sgeulachdan dhut mu na seòrsa rudan a bhios tu a’ leughadh, a’ coimhead no ag èisteachd.
Ann am BBC iPlayer
Nuair a tha thu air logadh a-steach molaidh sinn prògraman a tha sinn a’ smaoineachadh a chòrdas riut, stèidhichte air prògraman a choimhead thu mar-thà. Dìreach cùm sùil airson prògraman a tha “Air a mholadh dhut”.
Cuimhnichidh sinn cuideachd dè na tha thu air coimhead de phrògram. Le sin, gheibh thu air tòiseachadh dìreach far na sguir thu, air inneal sam bith.
Ann am BBC Sounds
Faodar lorg fhaighinn air prògraman ùra tro 'Air a mholadh dhut', le taghaidhean dìreach dhut fhèin.
Gheibh thu gu na podcastan is na prògraman rèidio as ùire aig a' BhBC gu furasta agus faodar prògraman no criomagan a chomharrachadh airson èisteachd riutha aig àm eile.
Ann am BBC Spòrs
’S e dòigh fhurasta a th’ ann am My Sport airson cumail suas ri na naidheachdan as ùire mu na spòrsan agus na sgiobaidhean as fheàrr leat.
Tagh bho còrr air 300 cuspair spòrs airson do dhuilleig My Sport a chruthachadh. Agus log a-steach airson fhaighinn air d’ innealan air fad.
Faodaidh tu cuideachd roghnachadh brathan fhaighinn mu Bhall-coise, Formula 1, Criogaid, Rugbaidh Aonaidh, Rugby Lìog agus na Naidheachdan Spòrs as ùire.
Air app BBC+
Molaidh sinn criomagan bhidio agus rudan eile a dh'fhaodadh còrdadh riut stèidhichte air na tha thu air a choimhead, agus na tha a' còrdadh ri daoine eile.
Cuimhnichidh sinn cuideachd air na tha thu air air a choimhead de gach criomag. Le sin, gheibh thu air tòiseachadh dìreach far na sguir thu, air inneal sam bith.
Ann am BBC Children’s
Faodaidh clann na prògraman agus na cuspairean as fheàrr leotha a chur ris. Tha seo a’ ciallachadh gu nochd iad air bàrr duilleagan CBBC agus CBeebies, ga dhèanamh nas fhasa an lorg.
Ann am BBC Bitesize
Air an làrach-lìn, cruthaich slighe ionnsachaidh dhut fhèin le cuspairean àrd-sgoil no nas sine na 16 bliadhna dh'aois agus iùil ionnsachaidh.
Cùm sùil an seo
Tha sinn daonnan a’ lorg dòighean ùra gus am BBC a dhèanamh nas pearsanta dhut. Coimhead a-mach air an son air feadh a’ BhBC.