Tillidh Geamannan nan Eilean ann an 2023

Air fhoillseachadh
Fo-thiotal an deilbh,
Cuid de sgioba nan Eilean Siar le na buinn a choisinn iad aig Geamannan nan Eilean

Tillidh Geamannan nan Eilean ann an 2023 ann an Guernsey.

Bha duil gum biodh iad an sin an ath-bhliadhna ach chaidh sin atharrachadh air sgàth buaidh a' phandemic.

Agus dh'innis Comann Eadar-Nàiseanta nan Geamannan gun tèid geamannan Arcaibh a ghluasad gu 2025.

Thuirt Cathraiche Chomann Gheamannan Eileanach nan Eilean Siar (WIIGA), Norrie Dòmhnallach, gu bheil iad air an tàmailteachadh ach gun robh dùil ris an naidheachd.

Bha e ag ràdh: "Tha sinn a' coimhead air adhart ris an àm a gheibh na lùth-chleasaichean againn air tòiseachadh air ullachadh.

"Bu chaomh leinn taing a thoirt dhan fheadhainn a bha an sàs ann a bhith a' dèanamh a' cho-dhùnaidh.

"Tha sinn a' coimhead air adhart ri coinneachadh ri ar caraidean às na h-eileanan eile a tha an sàs anns na geamannan nuair a bhios sin comasach."