Na h-aon chothroman aig BBC Alba 's a th' aig BBC Scotland?

Published
image copyrightDonald MacLeod
image captionTha Cathraiche ùr MG, Ailean Dòmhnallach, air sgrìobhadh chun a' BhBC ag iarraidh orra cumail ri gealladh gus barrachd phrògraman ùra a chruthachadh dha BBC Alba, agus gum biodh dealbhan an sianal ri fhaotainn ann an HD, mar a tha BBC Scotland.

Tha MG Alba, a bhios a' ruith BBC Alba ann an co-bhonn ris a' BhBC fhèin, ag iarraidh gum bi na h-aon chothroman aig sianal telebhisein na Gàidhlig 's a tha aig sianal ùr na Beurla, BBC Scotland.

Tha Cathraiche ùr MG, Ailean Dòmhnallach, air sgrìobhadh chun a' BhBC ag iarraidh orra cumail ri gealladh gus barrachd phrògraman ùra a chruthachadh do BhBC Alba, agus gum biodh dealbhan na seanail ri fhaotainn ann an HD, mar a tha BBC Scotland.

Tha nas lugha ath-chraolaidhean air an ceadachadh air an t-sianal Beurla na air BBC Alba.

Thuirt am BBC gun robh fadachd orra coinneachadh ri Mgr Dòmhnallach na dhreuchd ùr.