CMAL gan dìon fhèin

Published
image captionTha Gàradh MhicFhearghais. a th' air mòran bhàtaichean a thogail do CMAL, ag ràdh gu bheil iad an impis £40m a chall air a' chùmhnant.

Tha a' bhuidheann phoblach CMAL, leis a bheil bàtaichean aiseig ChalMac, air iad fhèin a dhìon san argamaid mun dàil air dà bhàta ùr a tha gan togail dhaibh.

Tha Gàradh MhicFhearghais, air Abhainn Chluaidh, air gearain gu bheil iad an impis £40m a chall air a' chùmhant - luach £97m.

Choirich iad cho tric 's a bha CMAL air a dhol an sàs sna planaichean.

Ach thuirt Àrd-Oifigear CMAL, Kevin Hobbs, nach do dh'adhbhraich iad ach nas lugha na £1.5m de chosgais a bharrachd, agus gun robh a' chùis gu math duilich agus àmhghaireach.