Duine marbh às dèidh tubaiste air an A82

Air fhoillseachadh

Dhearbh na Poilis gun do bhàsaich fireannach, 56, às dèidh tubaist-rathaid air a' Ghàidhealtachd Didòmhnaich.

Thachair an tubaist air an A82 dìreach deas air A' Chàrnaich mu 1:30f.

Bha an duine a' siubhail gu tuath air motair-baidhsagail orainds.

Chaidh a thoirt a dh'Ospadal a' Bhelford sa Ghearasdan ach bhàsaich e an sin.

Thuirt na Poilis gu bheil iad airson bruidhinn ri neach a bha a' dràibheadh càr beag dearg a dh'fhaodadh a bhith air an tubaist fhaicinn.

Chaidh an rathadh a dhùnadh às dèidh na tubaiste ach dh'fhosgail e às ùr aig 8:05f.

Chaidh fios a chur air teaghlach an duine is thèid aithisg a chur gu Neach-casaid a' Chrùin.

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh