Cead do bhaile ùr ann am Pàirce Nàiseanta a' Mhonaidh Ruaidh

Air fhoillseachadh
tùs an deilbh, Other
fo-thiotal an deilbhChaidh cead dealbhachaidh ann an prionnsabal a thoirt seachad ann an 2014

Chaidh cead a thoirt seachad Dihaoine do bhaile ùr taobh a-staigh Phàirce Nàiseanta a' Mhonaidh Ruaidh.

Fon phlana dheadh 1500 taigh ùr a thogail air Oighreachd Rata Mhurchais faisg air an Aghaidh Mhòir.

Ach dh'iarr an luchd-leasachaidh gun rachadh cùmhant a bha an cois a' chead-dhealbhachaidh a sguabadh às - sin casg air barrachd air 600 ceud a thogail gun sgrùdadh a dhèanamh air buaidh air an àrraineachd.

Aig coinneimh Dihaoine, thug Ùghdarras Pàirce Nàiseanta a' Mhonaidh Ruaidh cead seachad sin a dhèanamh.

Chuir iad cùmhnant ùr air an luchd-leasachaidh, ge-tà, gum feum iad drochaid ùr do luchd-coiseachd is luchd-baidhseagail a thogail tràth anns an leasachadh.

Thuirt an t-ùghdarras cuideachd gum feum a' chompanaidh barrachd fiosrachaidh a thoirt seachad mus tèid an leasachadh air adhart.

Tuilleadh air an sgeulachd seo

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh