Tubaist adhair ga rannsachadh

Air fhoillseachadh
fo-thiotal an deilbhBha Ben Letham a' sgèith leis fhèin faisg air Queenstown.

Thòisich rannsachadh ann an Sealan Nuadh mu thubaist adhair anns na do chaill fear às Earra-Ghàidheal a bheatha.

'S ann à Ceann Loch Chille Chiarain a bha Ben Letham, 26.

Bha e a' sgèith leis fhèin ann am para-ghlaidhdair faisg air baile Queenstown aig ceann a deas an Eilein mu Dheas nuair a thachair an tubaist Disathairne.

Bha Mgr Letham aig obair aig a' chompanaidh GForce Paragliding.

Thuirt Gavin Taylor bhon chompanaidh gun robh Mgr Letham air na mìltean de thursan mar seo a dhèanamh roimhe.

Dh'innis Mgr Taylor gun robh Mgr Letham anns an inneal aige fhèin nuair a thachair an tubaist.

Thuirt e gur e duine gasta is pìleat sgileil a bh' ann am Ben Letham, is gun robh a h-uile duine aig GForce Paragliding troimhe-chèile mun tubaist.

Thuirt Oifis nan Dùthchannan Cèinegu bheil iad a' toirt taic dha teaghlach Mhgr Letham.