An Ceannadach airson fuireach

Cailean Ceanadach
Image caption Choisich Fear-Gairm a' Chomisein, Cailean Ceannadach, a-mach à coinneimh ann am Brùra air a' mhìos a chaidh.

Thuirt Fear-Gairm Coimisean na Croitearachd, Cailean Ceannadach, nach leig e seachad a dhreuchd.

Tha Mgr Ceannadach air a bhith fo chuideam seasamh sìos às deidh mar a dhèilig an Coimisean ri buaireadh nan comataidhean ionaltraidh.

Tha Mgr Ceannadach cuideachd a' fàgail air a' Choimisean nach robh ùghdarras aig a' choinneimh far an deach bhòtadh gus iarraidh air a dhreuchd fhàgail, agus gun deach a cumail an aghaidh riaghaltean a' Choimisein, leis gun robh e fhèin air a' chiad choinneamh den là a dhùnadh mus do choisich e a-mach àiste.

Bha Mgr Ceannadach a' bruidhinn air Sunday Politics Scotland.

Thuirt e gu bheil e fhathast den bheachd nach robh an Coimisean air càil a dhèanamh ceàrr a thaobh buaireadh nan comataidhean ionaltraidh, agus nach robh e a' dol a dh'fhàgail a dhreuchd.