Duine a dhìth air Taobh Siar Rois

Mark Flinn Image copyright Eile

Tha iomairt-teasairginn a' dol gus lorg fhaighinn air duine a bha a-muigh a' coiseachd air Taobh Siar Rois.

Thathas a' creidsinn gun robh Mark Flinn, 68, ann an Ciseorn agus air a' Chomraich.

Chunnacas mu dheireadh e a' fàgail far an robh e a' fuireach ann an Achadh na Tràghad mu 09:00m Didòmhnaich.

Thathas a' smaointinn gun robh e a' dèanamh air Beinn Bhàn agus Sgurr a' Chaorachain.

Thòisich sgioba-teasairginn Thoirbheartan ga lorg oidhche Dhòmhnaich.

Tha sgioba-teasairginn an RAF agus sgiobannan le coin ag obair còmhla riutha a-nise.

Thuirt na Poilis gu bheil Mgr Flinn 6'3", caol, le gruag dhonn/liath.

Tha e coltach gu bheil geansaidh fleece gorm no dearg air, fo sheacaid ghorm Gortex.

Bu chòr dha daoine le fiosrachadh sam bith mun chùis fios a chur air na Poilis air 101.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile