£28m ga chosg air goireasan critigeach

Ospadal an Ràthaig Mhòir
Image caption Thèid £28m a chosg air Ospadal an Ràthaig Mhòir.

Thèid £28m a chosg thairis air trì bliadhna air seirbheisean cùraim critigeach ann an Ospadal an Ràthaig Mhòir ann an Inbhir Nis às dèidh dha na planaichean cead fhaighinn bho Riaghaltas na h-Alba.

Thèid leasachadh a dhèanamh air grunn phàirtean den ospadal, eadar Ionad an Dlùth-Chùraim agus an t-ionad do dhaoine a tha feumach air cùram sònraichte às dèidh dhaibh a dhol fo lannsa.

Bidh cuideachd seòmraichean lannsa an ospadail gan sgeadachadh, agus seòmar eile air a chur riutha.

Thuirt Linda Kirkland bho NHS na Gàidhealtachd gur e seo an leasachadh as motha air prìomh ospadal a' chinn a tuath bho chaidh a thogail ann an 1980.

Chuirear fàilte air cuideachd le Rùnaire na Slàinte, Shona Robison, a thuirt gum biodh an obair gu buannachd euslainteach.

Tòisichidh an obair an ath-mhìos, 's dùil gum bi i deiseil ro dheireadh 2018.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile