Sgoiltean Sgitheanach air an glèidheadh

Bun-sgoil a' Chnuic Bhric

Co-dhùin siorraidh gun robh e ceart gun deach cead a dhiùltadh do Chomhairle na Gàidhealtachd ceithir bun-sgoiltean san Eilean Sgitheanach a dhùnadh.

Bha a' Chomhairle airson bun-sgoiltean an Aodainn Bhàin, Dhùn Bheagain, A' Chnuic Bhric agus t-an Sruthain a dhùnadh.

'S e a bha nam beachd ach bun-sgoil ùr a thogail ann an Dùn Bheagain nan àite.

Rinn pàrantan san sgìre strì an aghaidh a' phlana.

Air a' cheann thall, chuir Panal Ath-Sgrùdaidh Dùnadh nan Sgòiltean stad air a' Chomhairle.

Dleasdanas

Fhuair am Panal nach do rinn a' Chomhairle an dleastanas fon lagh a thaobh co-chomhairle air a' ghnothach.

Rinn Comhairle na Gaidhealtachd tagradh an aghaidh a' cho-dhùnaidh.

Tha a' Chomhairle a-nise air an tagradh sin a chall.

Thuirt Cathraiche Comataidh Foghlam na Comhairle, Drew Miller, gur e briseadh dùil a bh' ann dhaibh agus gum beachdaich iad air a' chùis a-rithist.

Thuirt e cuideachd gur e foghlam na cloinne an rud as cudromaiche dhan Chomhairle.

Tuilleadh air an sgeulachd seo

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile