BBC Naidheachdan

Murtair a theich ga ghlacadh

Published
image copyrightPolice Scotland
image captionChaidh Seumas Casey a dhìth san Dùbhlachd.
Fhuair na Poilis grèim air Seumas Casey, a theich às a' phrìosan san Dùbhlachd an-uiridh.
Chaidh Casey, a tha 50, a chur dhan phrìosan 'son fear a bha na mhanaidsear air cluba sòisealta ann an Inbhir Ghòrdain, Iain MacBheatha, a mhurt.
Chaidh a dhìteadh ann an 1991 agus chaidh a leigeil ma sgaoil, fo chùmhnantan, ann an 2002.
Chaidh a chur air ais dhan phrìosan às dèidh beagan sheachdainnean ge-tà, airson a bhith ri mèirle le gunna ann an oifis-puist ann an Lodainn an Iar.
Chaidh binn prìosain 14 bliadhna a chur air.
Theich e bho phrìosan fhosgailte Caisteal Hunndaidh air an 10mh là den Dùbhlachd.
Thuirt Poilis na h-Alba gun deach a chur an grèim a-rithist ann am Manchester.

Tuilleadh air an sgeulachd seo

  • Mortair air teicheadh à prìosan