Bàs às dèidh teine ann an Stafainn

Air fhoillseachadh

Thuirt na poilis gun deach corp fhaighinn ann an sprùilleach taigh a chaidh na theine san Eilean Sgitheanach Disathairne.

Cha b'urrainn dhan luchd-smàlaidh neo na poilis a dhol a-steach dhan togalach ann an Cille Mhoire ann an Stafainn aig an àm air sgàth nach robh e sàbhailte dhaibh sin a dhèanamh.

Cha deach ainm an neach fhoillseachadh gu h-oifigeil fhathast.

Thuirt na poilis gun do rinn iad fhèin is an t-seirbheis smàlaidh rannsachadh is nach eil iad amharasach mun chùis.

Thèid aithisg a chur gu Neach-casaid a' Chrùin.

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh