Tubaist mhairbhteach air an A890

Air fhoillseachadh

Dhearbh na poilis gun deach fear motor-baidhsagal a mharbhadh ann an tubaist rathaid air an A890 faisg air Atadal Dimàirt.

Thachair an tubaist goirid an dèidh 1.00 feasgar.

Cha robh carbad eile an sàs anns an tubaist.

Dh'fhàg an tubaist gun deach an A890 a dhùnadh eadar Srath Carrann is Port an t-Sròim tron fheasgar Dimàirt.

Thuirt Poilis na h-Alba gun tèid ainm an duine a sgaoileadh nuair a thèid fios a chur gu theaghlach.

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh