Sneachd air an A9

Air fhoillseachadh
tùs an deilbhGetty Images
fo-thiotal an deilbhThug sneachd agus deigh buaidh air grunn rathaidean Dihaoine

Chaidh pàirt dhen A9, eadar Grèanais faisg air an Aghaidh Mhòir agus Inbhir Nis, a dhùnadh Dihaoine fhad 's a bha sneachd ga thoirt far an rathaid.

Thuirt Poilis na h-Alba gu robh cùisean duilich do dhràibhearan eadar Tom Aitinn agus Inbhir Nis.

Thathas a' comhairleachadh do dhràibhearan sùil a thoirt air làrach-lin Trafaic na h-Alba airson an fhiosrachaidh as ùire.

Thug sneachd agus deigh buaidh air grunn rathaidean air feadh a' chinn a tuath Dihaoine aig a' cheart àm 's tha draghan air nochdadh mu phlanaichean Chomhairle na Gàidhealtachd nas lugha airgid a chosg air sailleadh nan rathaidean mar phàirt dhen na gearraidhean aca.

Thuirt Poilis na h-Alba nach bu chòir do dhaoine siubhail mura h-eil an turas aca riatanach, agus a dhèanamh cinnteach gum bi aodach blàth orra ma thèid iad a-mach gun fhios nach tig maille orra.

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh