An caibineat an Cinn Tìre

Ceann Loch Cille Chiarain Image copyright TheTurfBurner
Image caption Coinnichidh an caibineat ann an Talla Cheann Loch Chille Chiarain madainn Diciadain

Gheibh muinntir Chinn Tìre cothrom ministearan Riaghaltas na h-Alba a cheasnachadh is iad a' tadhal air an sgìre an t-seachdain seo.

Tha seo mar phàirt de shreath de thursan bhon chaibineat air feadh na dùtcha tron t-samhradh.

Thòisich na tursan ann an 2007 is bhon uairsin tha ministearan air tadhal air coimhearsnachdan air feadh na h-Alba.

Bha iad ann an Sealtainn agus Hamhaig mar-thà air an t-samhradh seo is thèid iad dhan Bhruaich às dèidh dhaibh tadhal air Cinn Tìre.

Coinnichidh an caibineat ann an Talla Cheann Loch Chille Chiarain madainn Diciadain.

Trath air an fheasgar gheibh an sluagh cothrom ceistean a chur orra aig Talla Bhictoria sa bhaile.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile