Droch dhìol ga sgrùdadh aig seann sgoil

Air fhoillseachadh

Tha Poilis a' rannsachadh chasaidean gun do dh'fhulaing clann aig seann sgoil Chaitligich air Ghàidhealtachd droch dìol agus gun deach ionnsaighean drabasta a thoirt orra.

Dhùin an sgoil ann an Abaid Chille Chuimein, a bha air a ruith le manaich, ann an 1993.

A rèir na casaidean a tha air ceann a thogail tha gun robh manaich a' dochann bhalach agus a' toirt ionnsaighean drabasta orra.

Tha aithrisean ann cuideachd mu ionnsaighean saic-eòlach.

Dhùin an abaid fhèin ann an 1998 agus chaidh a reic.

Chaidh an togalach a leasachadh mar àite-fuirich do luchd-turais.

Dhearbh fear-labhairt do na Poilis gun robh na casaidean gan rannsachadh agus gun robh an sgrùdadh aca aig ìre thràth.