Glèidhear Oifis Puist Cheann a' Bhàigh ann an Steòrnabhagh

Air fhoillseachadh

Chuir Oifis a' Phuist às do phlana airson tè de na h-oifisean aca ann an Steòrnabhagh a ghluasad.

Bha ceannardan na seirbheis air moladh an oifis aca ann an Ceann a' Bhàigh a ghluasad gu stèisean connaidh Engebret's air taobh thall a' bhaile.

Bha dragh air cuid gum fàgadh sin nach biodh cothrom furasta aig seann daoine air oifis puist airson am peinsean aca a thogail, leis gum feumadh cuid aca coiseachd, no tacsaidh fhaighinn mu mhìle 's air ais.

Ann am brath-naidheachd thuirt Oifis a' Phuist, às dèidh dhaibh beachd an t-sluaigh a shireadh air a' chùis, gu bheil iad air co-dhùnadh Oifis Cheann a' Bhàigh fhàgail far a bheil i.

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh