Seirbheis Smàlaidh Eileanach a' dùnadh

Air fhoillseachadh
tùs an deilbhUndiscovered Scotland
fo-thiotal an deilbhTha an t-aonad as fhaisge stèidhichte san Ath Leathann.

Is coltach gun dùin aonad-smàlaidh Shlèite san Eilean Sgitheanach ro dheireadh na bliadhna.

Tha an t-seirbheis air a bhith ga ruith le daoine saor-thoileach às a' choimhearsnachd.

Tha atharrachadh air tighinn air na dh'fhaodas iad dèanamh ri linn Slàinte is Sàbhailteachd.

Nuair a thòisich an t-seirbheis bhiodh na saor-thoilich a' dol gu teineachan taighe, ach o chionn beagan bhliadhnaichean, le trèanadh sònraichte a dhìth airson sin a-nis, cha robh e ceadaichte dhaibh ach a dhol gu tubaistean-rathaid agus falaisgearan monaidh.

Chan eil ùidh aig gu leòr anns a' choimhearsnachd a bhith an sàs ann, agus chan eil seirbheis air a bhith aca o chionn còrr is bliadhna.

Tha sin a dh'aindeoin oidhirp aig Seirbheis Smàlaidh na Gàidhealtachd 's nan Eilean.

Tha dùil gun tig iad gu co-dhùnadh air an ath-mhìos gum bu chòir cur às don t-seirbheis san sgìre.

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh