Còmhraidhean iasgaich gun aonta

Rionnaich
Image caption Thathas ag iarraidh air an AE smachd-bhannan a chur an sàs.

Tha ceannardan iasgaich na h-Alba ag ràdh gur e briseadh dùil a bh' ann an còmhraidhean a chaidh a chumail Diluain agus nach tàinig gu co-dhùnadh air cuotathan an rionnaich.

Tha an t-Aonadh Eòrpach (AE), Nirribhidh, Innis Tìle agus na h-Eileanan Fàrach gan riochdachadh aig na còmhraidhean.

Chaidh na dùthchanan eileanach a dhubh-chàineadh sna bliadhnaichean mu dheireadh, air dhaibh innse gun do chuir iad meud mòr dha-rìribh den iasg luachmhor air tìr.

Chaidh uidhir a ghlacadh 's gu bheil dragh ann mu cho seasmhach 's a tha stoc an rionnaich.

Tha Comann Iasgairean Pealagach na h-Alba ag ràdh gum feum an AE a-nise smachd-bhannan a chur an sàs.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile