Sgrùdadh air rathad an t-Sròim

Air fhoillseachadh
fo-thiotal an deilbhBidh mìosan ann fhathast mus tig co-dhùnadh air seach-rathad an t-Sròim.

Dh'aontaich Comhairle na Gàidhealtachd £500,000 a chosg air sgrùdadh a dhèanamh air suidheachadh seach-rathad an t-Sròim.

Ghabh comhairlichean ri moladh gus sgrùdadh agus rannsachadh a dhèanamh air na roghainnean air fad a th' ann son fuasgladh maireannach fhaighinn.

Tha an rathad air a bhith dùite grunn thursan air sgàth mhaoimtean-slèibhe.

Cho math ri coimhead gu mionaideach ris na diofar mholaidhean, bithear a' rannsachadh cuideachd cò às a thigeadh airgead son na pròiseict.

Mairidh an sgrùdadh sia mìosan.

Feumar an uair sin fear de na roghainnean a thaghadh agus am pròiseas-dealbhachaidh a thòiseachadh.

Tha sin a' fàgail nach tòisich an obair fhèin gu 2015 air a' char as tràithe.

Thathas a' tomhais gum faodadh a' phròiseict a chosg eadar £23m is £115m, agus roghainn aca eadar cabhsair a thogail son an rathad a ghiùlain, drochaid thar a' chaolais, no rathad ùr a thogail tron mhòintich.

Tuilleadh air an sgeulachd seo

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh