"Glanadh domhainn" aig Ospadal an Ràthaig Mhòir

Air fhoillseachadh
Fo-thiotal an deilbh, Tha dà uàrd anns an ospadal dùinte air sgàth Norovirus

Thòisich glanadh domhainn ann an Ospadal an Ràthaig Mhòir ann an Inbhir Nis Diluain às dèidh mar a dhùin tinneas dìobhairt a' gheamhraidh trì uàrdan anns an ospadal.

Chaidh uàrdan 6C, 2A agus 7C a dhùnadh do dh'euslaintich ùra an t-seachdainn a chaidh, ann an oidhirp stad a chur air bho bhith a' sgapadh.

Chaidh uàrd 6C fhosgladh às ùr Diluain nuair a dhearbhadh deuchainnean nach robh an galar ann tuilleadh.

Tha dùil gun tèid uàrd Rosebank ann an ospadal Ghallaibh, a chaidh a dhùnadh bho chionn seachdainn air sgàth a' ghalair, fhosgladh a-rithist Dimàirt.

Thuirt tè-labhairt bho Urras NHS na Gàidhealtachd nach do nochd gin a chùisean ùra aig an deireadh sheachdainn, agus gu bheil nas lugha dhaoine a-nis a' fulaing leis a' ghalar.

Thathas ag iarraidh air luchd-tadhail air an robh an galar iad fhèin, neo a tha a' fuireach còmhla ri cuideigin air a bheil tinneas dìobhairt, fuireach là neo dhà mus tig iad a-steach dhan ospadal.

Bu chòir do dhaoine cuideachd an làmhan a nighe mus tèid iad a-steach dhan ospadal, agus a-rithist nuair a dh'fhàgas iad an togalach.

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh