Manaidsear tuathanais ri puinnseanachadh

Iolaire bhuidhe
Image caption Chaidh iolaire bhuidhe fhaighinn marbh faisg air Drochaid Urchaidh ann an 2009

Dh'aidich fear a bha ag obair na mhanaidsear air oighreachd ann an Earra Ghàidheal gun do chleachd e am puinnsean toirmisgte carbofuran.

Thuirt Tom McKellar, a tha 50, gur ann airson smachd a chumail air sionnaich a bha e a' cleachdadh a' phuinnsein.

Dh'aidich e gu robh e air pìosan feòla a chur a-mach a bh' air a chomhdachadh leis.

Iolaire bhuidhe

Thòisich rannsachadh ann an 2009 as dèidh mar a chaidh iolaire bhuidhe fhaighinn marbh le buidheann de luchd-coiseachd faisg air Drochaidh Urchaidh.

Fhuair sgrùdadh a chaidh a dhèanamh air an eun gun deach a phuinnseanachadh.

Chaidh casg a chur air carbofuran ann an 2001 air sgàth 's cho cunnartach 's a tha e do mhac an duine agus do bheathaichean.

Thèid binn a chur air Mgr McKellar air an 29mh dhen Chèitean.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile