Gàidhlig san NHS

Air fhoillseachadh
Fo-thiotal an deilbh,
Bheireadh am plana buaidh air Seirbheis na Slàinte air feadh na h-Alba

Chan eil mòran dhaoine air pàirt a ghabhail fhathast anns a' cho-chomhairleachadh mu phlana Gàidhlig Sheirbheis Nàiseanta na Slàinte ann an Alba.

Fo Achd na Gàidhlig tha e mar dhleastanas air an NHS ann an Alba, coltach ri buidhnean poblach eile, plana Gàidhlig a stèidheachadh.

Bidh am plana a' mìneachadh mar a thèid tuilleadh aire a thoirt dhan Ghàidhlig taobh a-staigh na seirbheis.

Molaidhean

Am measg nan gnothaichean ris a bheilear a' coimhead tha gun deadh faighneachd do dhaoine a tha a' sireadh obrach anns an NHS a bheil Gàidhlig aca.

Thathas cuideachd a' coimhead air na chosgadh e facail Ghàidhlig a chur air èididhean an luchd-obrach, agus a' beachdachadh air soidhnichean Gàidhlig a chur an sàs.

Bidh aca ris na h-amasan a chuireas iad romhpa a choileanadh ro 2017.

Bha dùil gun tigeadh an co-chomhairleachadh gu ceann air 5mh am Màirt, ach chaidh an ceann-là sin a chur air ais seachdain airson tuilleadh ùine a thoirt do dhaoine am beachdan a thoirt seachad.

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh