a gafodd drwydded deledu?

You need one to watch live TV on any channel or device, and BBC programmes on iPlayer. It’s the law.

darganfyddwch fwy
Nid oes gennyf drwydded deledu

Y diweddaraf yn fyw

Mae pob amser yn lleol i'r DU

Cyfrannu

  1. Diolch am ddilyn

    Dyna ni am heddiw.

    Diolch am ein dilyn a chofiwch am ein llif byw ni eto yfory. Tan hynny, hwyl fawr iawn i chi a byddwch yn saff.

  2. Plant yn diolch mewn fideo

    Fel arwydd o ddiolch i’r gwasanaeth iechyd, mae Ffa-la-la wedi creu fideo newydd ‘Lliwiau’r Enfys’. Rhoddwyd cyfle i blant i greu lluniau enfys er mwyn iddyn nhw ymddangos yn y fideo.

    Mae Ffa-la-la wedi bod yn diddanu plant a’u teuluoedd dros yr wythnosau diwethaf, trwy redeg sesiynau wythnosol ‘Canu yn y Cartref’ yn fyw ar eu tudalen Facebook. Bwriad y sesiynau yw sicrhau bod gan blant gyfle i barhau i fwynhau Cymraeg o adref.

    "Yn dilyn poblogrwydd ein fideo Golchi Dwylo’," meddai Carys Gwent, cyd-reolwraig Addysg Ffa-la-la, "penderfynom greu fideo a fyddai’n dangos ein gwerthfawrogiad i weithwyr GIG Cymru yn y cyfnod anodd hwn."

    View more on twitter
  3. Tasglu brechlyn

    Mae ysgrifennydd busnes Llywodraeth y DU, Alok Sharma wedi cyhoeddi o fewn yr awr ddiwethaf y bydd tasglu arbennig yn cael ei sefydlu er mwyn cyflymu'r broses o ddod o hyd i frechlyn newydd.

    Ychwanegodd fod y tasglu eisoes ar waith a bod y llywodraeth wedi rhoi swm o £14m i 21 prosiect yn barod.

    Dywed hefyd y bydd yn ychwanegu at yr addewid blaenorol i roi £250m i ddatblygu brechlyn ar gyfer coronafeirws.

  4. 'Angen cymorth ar gwmnïau fferi'

    Cyngor Ynys Môn

    Mae cyngor sir Ynys Môn wedi annog y llywodraeth i roi cefnogaeth ychwanegol i gwmnïau fferi.

    Dywed yr awdurdod fod effaith y pandemig ar gwmnïau sy'n gweithio o borthladd Caergybi - Stena Line ac Irish Ferries - wedi bod yn ddifrifol.

    Mae'r ddau gwmni eisoes wedi gorfod cwtogi ar wasanaethau ond maen nhw'n parhau i gludo nwyddau angenrheidiol.

    Mewn llythyr at weinidogion y llywodraeth mae arweinydd y cyngor, Llinos Medi, yn dweud bod angen mwy o gymorth ariannol arnyn nhw i bontio’r bwlch rhwng gostyngiad mewn incwm a chostau rhedeg cludo nwyddau pwysig rhwng Dulyn a Chaergybi.

  5. Diolch o galon

    Mae'r Prif Swyddog Nyrsio wedi diolch i'r nyrsys a'r bydwragedd yng Nghymru sydd wedi dychwelyd i'r gwaith yn ystod y pandemig.

    View more on twitter
  6. Tuniau bwyd, cadair a chyngor doeth...

    Twitter

    ...dyna oll sydd angen i'r henoed gadw corff ac enaid yn iach mewn cyfnod heriol! A does dim rhaid gorwneud pethau, fel y mae fideo Dafydd James - cyn asgellwr rygbi Cymru a'r Llewod - ar gyfer yr elusen iechyd meddwl Hafal yn amlygu.

    View more on twitter
  7. Y sefyllfa yn Yr Almaen

    Yn Yr Almaen dywed y gweinidog iechyd yno bod yr haint o dan reolaeth.

    Yn gynharach dywedodd Jens Spahn bod cyfradd haint y wlad wedi disgyn i 0.7 - sy'n golygu bod un person sydd wedi'i heintio wedi trosglwyddo'r haint i lai nag un person arall.

    Yn Yr Almaen mae 3,868 o bobl wedi marw o Covid-19 - llai nag yn Yr Eidal, Sbaen, Ffrainc a'r DU ac hyd yma 134,000 sydd wedi'u heintio yno.

    Mae disgwyl i rai siopau bach ailagor wythnos nesaf a bydd ysgolion yn ailagor yn gynnar ym mis Mai ac yn canolbwyntio ar fyfyrwyr sy'n sefyll arholiadau yn fuan.

    Almaen
  8. Y cyngor wrth brynu bwyd

    Twitter

    Wedi pryderon am y gorddefnydd o blastig mae nifer o siopau yn gwerthu eu cynnyrch yn rhydd ond mae yna gyngor amserol i siopwyr ...

    View more on twitter
  9. Cau llwybr i warchod mab

    Heddlu Gogledd Cymru

    Sgwrs rhwng aelod o Dîm Troseddau Cefn Gwlad Heddlu'r Gogledd a ffermwr yn Sir Ddinbych sydd wedi penderfynu cau llwybr ar ei dir i warchod mab ifanc sydd â ffibrosis systig, ac felly yn y categori risg uchel petai'n cael ei heintio gyda Covid-19.

    View more on twitter
  10. Nifer y marwolaethau ar draws y DU

    Mae Llywodraeth y DU wedi cyhoeddi - hyd at 17:00 ddoe, 16 Ebrill - fod 847 o bobl eraill wedi marw wedi iddyn nhw gael y feirws.

    Mae hynny'n golygu felly bod 14,576 o bobl yn y DU bellach wedi marw mewn ysbytai ar ôl cael eu heintio.