Coronafeirws: Edrych nôl ar ddydd Llun y Pasg

Dyma ddiwedd y llif byw am heddiw - diolch yn fawr am ddilyn ein diweddariadau drwy gydol y dydd.

Fe fydd y llif byw yn dychwelyd gyda'r diweddaraf am sefyllfa'r pandemig bore yfory, ond am y tro - mwynhewch weddill ddydd Llun y Pasg.

Hwyl am y tro.

Yn ystod diweddariad dyddiol Llywodraeth y DU yn 10 Downing Street, dywedodd y Gweinidog Tramor Dominic Raab fod yr argyfwng coronafeirws ar hyn o bryd "ar ei anterth".

Ychwanegodd fod y nifer sydd wedi marw yn y DU bellach yn 11,329.

Er yn "niferoedd erchyll", dywedodd fod rhywfaint o obaith ymysg yr ystadegau diweddaraf, gan fod y camau ymbellhau yn arafu ymlediad yr haint.

ReutersCopyright: Reuters

Mae Llywodraeth Cymru wedi ymateb 'r newyddion fod Llywodraeth y DU wedi clustnodi £350m yn ychwanegol i Gymru yn yr ymdrech i ymladd ymlediad coronafeirws.

Mae hyn yn ychwanegol i'r £250m gafodd ei glustnodi'n wreiddiol, medd y Canghellor Rishi Sunak.

Fe fydd yr arian, o gronfa frys £5bn Llywodraeth y DU ar gyfer y gwasanaethau cyhoeddus yng Nghymru.

Mewn datganiad, dywedodd llefarydd ar ran Llywodraeth Cymru:

"Rydym yn gweithio'n galed i sicrhau fod gwasanaethau cyhoeddus Cymru'n derbyn yr adnoddau sydd ei angen i ymateb i bandemig coronafeirws.

"Rydym wedi bod yn gweithio o amgylch y cloc i ail-flaenoriaethu ein cyllidebau i ryddhau cymaint o arian ag sydd yn bosib ac rydym wedi creu cronfa i ateb y costau cychwynnol.

"Mae'r arian yma i'w groesawu ond wrth i'r pandemig ddatblygu fe fydd angen rhagor o arian gan Lywodraeth y DU i dalu am y costau sydd yn gysylltiedig ag ymateb i'r feirws a chefnogaeth hir dymor i ail-adeiladu'r economi i'r lefelau cyn y pandemig."

Prif Weinidog Cymru'n diolch i bawb am ddilyn y rheolau, ac yn awgrymu bod y weithred o ymbellhau cymdeithasol a hunan-ynysu yn gweithio wrth geisio dod â'r sefyllfa o dan reolaeth.

Mae canolfan brofi Covid-19 yn Stadiwm Dinas Caerdydd wedi ei chau am heddiw medd Iechyd Cyhoeddus Cymru.

Mae hyn achos fod llai o weithwyr hanfodol yn gweithio shifftiau nag arfer, o achos fod heddiw'n wyliau cyhoeddus.

Dywedodd llefarydd ar ran Iechyd Cyhoeddus Cymru y byddai'r ganolfan ar agor fel arfer unwaith eto yfory.

Roedd pawb oedd i fod i gael prawf heddiw wedi cael cais i fynd i'r ganolfan ddiwrnod yn gynt.

Wales News ServiceCopyright: Wales News Service

Mae Llywodraeth Cymru wedi ymateb i bryderon TUC Cymru am ddiffyg cyfarpar diogelwch PPE i weithwyr rheng flaen y Gwasanaeth Iechyd.

Mewn ymateb dywedodd llefarydd ar ran Llywodraeth Cymru: "Rydym yn gweithio'n galed iawn i sicrhau fod ein holl staff rheng flaen GIG a staff gofal cymdeithasol yn derbyn yr amddiffyniad a'r gefnogaeth orau sydd ei angen iddyn nhw gwblhau eu dyletswyddau hanfodol - yn cynnwys gweithio gydag undebau llafur, cyrff iechyd, rheoleiddwyr a llywodraeth leol.

"Hyd yn hyn rydym wedi dosbarthu 10.4m eitem o PPE o'n stoc pandemig, sy'n uwch na'r cyflenwad cyffredin.

"Rydym yn gweithio gyda gweddill y DU i sicrhau fod cyflenwad digonol o PPE ac rydym yn gweithio gyda busnesau Cymreig i gynhyrchu PPE yng Nghymru."

Ychwanegodd: "Rydym yn gwneud popeth o fewn ein gallu i sicrhau fod cyfarpar PPE ar gael i staff iechyd a gofal cymdeithasol."

Mae Llywodraeth y DU wedi clustnodi £350m yn ychwanegol i Lywodraeth Cymru yn yr ymdrech i ymladd ymlediad coronafeirws.

Mae hyn yn ychwanegol i'r £250m gafodd ei glustnodi'n wreiddiol, medd y Canghellor Rishi Sunak.

Fe fydd yr arian, o gronfa frys £5bn Llywodraeth y DU ar gyfer y gwasanaethau cyhoeddus yng Nghymru.

Dywedodd y Canghellor: "Mae ein gwasanaethau cyhoeddus a'u staff anhygoel yn gweithio'n fedrus, dewr a phenderfynol i'n cadw'n ddiogel.

“Rydym yn dibynnu arnyn nhw, a dyna pam yr ydym yn clustnodi'r arian, arfau ac adnoddau ychwanegol yma sydd ei angen arnyn nhw i daclo'r feirws yma.

"O'r dechrau rwyf wedi bod yn eglur y bydd ein gwasanaethau cyhoeddus hanfodol yn derbyn unrhyw beth sydd ei angen i amddiffyn y wlad a'i phobl rhag coronafeirws. Rydym yn gweithredu ar ein haddewid."

Geiriau o un o ganeuon Ivor Novello.

Tybed beth fyddai'r cerddor o Gaerdydd wedi ei feddwl o'r holl sefyllfa? Mae rhywun wedi gosod mwgwd ar gerflun ohono yn y brifddinas.

Wales News ServiceCopyright: Wales News Service

Mae pawb yn gweld eisiau eu ffrindiau, ond mae'r heddlu'n apelio ar bobl ifanc yn enwedig i beidio â chyfarfod a'i gilydd yn ystod y cyfnod anodd yma.

Mae CFfI Pontshan yn mynd fel y gwynt yn eu hymdrech i godi arian i ysbytai Bronglais a Glangwili

Gyda disgwyl i gyfyngiadau cymdeithasol fod yn rhan o fywyd bob dydd am gyfnod eto, mae'r sialens o barhau gyda gweithgareddau arferol ein bywydau yn fwy-fwy heriol.

Ond mae rhai wedi mynd ati i gynnig hyfforddiant rhithiol er mwyn codi ysbryd a chadw'n heini.

Rhian HalfordCopyright: Rhian Halford

Mae'n benblwydd ar Lowri o Aberystwyth heddiw, sy'n dathlu adre gyda'i theulu. Ac mae hi wedi defnyddio ei balwnau i greu enfys i ddiolch i weithwyr y GIG am eu gwaith - gan gynnwys ei Mam, sy'n nyrs gofal dwys yn Ysbyty Bronglais.

Kelly BishopCopyright: Kelly Bishop

Well i ni adael i rai o sêr rygbi Cymru ein hatgoffa ni:

Mae cyn-arweinydd Plaid Cymru, Leanne Wood AC, yn gwella ar ôl iddi hi a'i phartner ddangos symtomau o'r feirws.

Mae'n galw am system i gofnodi manylion pobl sydd wedi gwella o'r salwch er mwyn codi ysbryd eraill.

Yn ôl Iechyd Cyhoeddus Cymru mae 15 person wedi marw o achos COVID-19 yng Nghymru yn y 24 awr diwethaf, gan ddod a chyfanswm y marwolaethau i 384.

Daeth cadarnhad hefyd bod 313 person yn ychwanegol wedi profi'n bositif i COVID-19 yng Nghymru dros yr un cyfnod.

Daw hynny a chyfanswm yr achosion positif i 5,610, ond mae meddygon yn tybio hefyd bod y nifer go iawn y uwch na hynny mewn gwirionedd.