a gafodd drwydded deledu?

You need one to watch live TV on any channel or device, and BBC programmes on iPlayer. It’s the law.

darganfyddwch fwy
Nid oes gennyf drwydded deledu

Y diweddaraf yn fyw

Mae pob amser yn lleol i'r DU

Cyfrannu

  1. Hwyl fawr

    BBC Cymru Fyw

    Gyda Hen Wlad Fy Nhadau yn dal i atseinio o gwmpas Bae Caerdydd, dyna ddiwedd ein llif byw ni am heno.

    Os lwyddoch chi i gyrraedd y brifddinas, gobeithio i chi gael blas o'r dathliadau o'r Gamp Lawn i dîm rygbi Cymru.

    Ymlaen at Gwpan y Byd!

  2. Alun Wyn Jones yn Brif Weinidog?

    BBC Cymru Fyw

    "Mae un Gamp Lawn yn wych, mae tair yn anhygoel," meddai'r prif weinidog wrth ddiolch i Warren Gatland.

    "Ry'n ni oll yn lwcus o allu dweud ein bod wedi byw yn y cyfnod yma o rygbi Cymru."

    Ychwanegodd Mark Drakeford hefyd a'i dafod yn ei foch y bydd Alun Wyn Jones yn cael ei "gefnogaeth lawn" os yw'n penderfynu ymgeisio i fod yn Brif Weinidog Cymru yn y dyfodol!

    Mark Drakeford
  3. Warren Gatland: 'Cymru am byth!'

    BBC Cymru Fyw

    Wrth i'r cyflwynydd Catrin Heledd atgoffa'r prif hyfforddwr Warren Gatland nad oedd rybgi Cymru mewn lle da pan gymrodd yr awennau, roedd gan y gŵr o Seland Newydd ateb craff.

    "Yr unig le i fynd oedd i fyny felly!" meddai.

    "Rydw i wedi caru fy amser yma, a'r hyn sydd wedi'i wneud mor hawdd yw'r bobl, sydd mor groesawgar."

    Mae'n amlwg wedi bod yn dysgu Cymraeg hefyd, gan orffen trwy ddweud: "Cymru am byth!"

    Warren Gatland
  4. Mae Syr Gareth yn cytuno!

    BBC Cymru Fyw

    Wedi llwyddiant Cymru ym Mhencampwriaeth y Chwe Gwlad mae cyn-gapten Cymru, Syr Gareth Edwards wedi dweud na ddylai tîm Warren Gatland ofni unrhyw un wrth edrych ymlaen at Gwpan y Byd.

    "Dim ond y Crysau Duon sydd uwchben nhw yn y tabl... ychydig bach o lwc falle a fi'n credu bod nhw ddigon da i guro unrhyw un ar y diwrnod," meddai.

    "Fel ni'n gwybod mewn gêm fel 'na - Cwpan y Byd - mae unrhyw beth yn gallu digwydd."

    Gareth Edwards
  5. 'Gall unrhyw beth ddigwydd' yng Nghwpan y Byd

    BBC Cymru Fyw

    Yn siarad ar risiau'r Senedd mae capten Cymru, Alun Wyn Jones yn dweud y byddai ennill Cwpan y Byd yn freuddwyd.

    "Yn tyfu lan ro'n i'n breuddwydio am wisgo crys coch Cymru, ond mae gen i freuddwydion eraill sydd heb eu cyflawni," meddai.

    "Mae gennym ni grŵp da o chwaraewyr, a gall unrhyw beth ddigwydd."

    Alun Wyn Jones
  6. Ailfyw'r cyffro

    BBC Cymru Fyw

    Cyn i'r tîm ddod allan, fe gafodd y dorf ailfyw cyffro'r Gamp Lawn ar y sgriniau mawr y tu allan i'r Senedd.

    senedd
  7. A dyma nhw ar risiau'r Senedd!

    BBC Cymru Fyw

    Senedd
  8. ...ac ar ôl ei waith caled...

    BBC Cymru Fyw

    Mae Ken Owens yn cael gorffwys heddiw gan brif hyfforddwr y Scarlets!

    kens
  9. Ken Owens: Dydd Sadwrn yn 'foment sbesial'

    BBC Radio Cymru

    Yn cael ei holi ar Radio Cymru mae bachwr Cymru, Ken Owens wedi datgelu uchafbwynt Pencampwriaeth y Chwe Gwlad eleni iddo fe.

    "O'dd dydd Sadwrn lan 'na - y modd wnaethon ni ennill y gêm, yn ei rheoli am bron yr 80 munud," meddai.

    "O'dd e'n foment sbesial i gael y fuddugoliaeth.

    "Mae'r garfan yma'n un o'r rhai gorau i mi fod yn rhan ohoni, ac mae'r momentwm yn adeiladu'r neis nawr tuag at Gwpan y Byd."

    Ken Owens
  10. Y cwestiwn mawr yw...

    Twitter

    Ai'r Arglwydd Elis Thomas sy'n llai nag oeddech chi'n feddwl, neu George North yn fwy?

    View more on twitter
  11. Ceidwad y Cledd ar ben ei ddigon

    BBC Cymru Fyw

    Dywedodd Robin McBryde fod Lloegr ac Iwerddon "ar dop eu gêm ar hyn o bryd".

    robin
  12. 1893, 1900... 2019

    BBC Cymru Fyw

    Tad a mab yn disgwyl yn eiddgar i gael gweld eu harwyr ar risiau'r Senedd yn ddiweddarach.

    Mae'r crys yn cyfeirio at y blynyddoedd ble bu Cymru’n fuddugol ym Mhencampwriaeth y Chwe Gwlad.

    6 gwlad
  13. Cwrdd â Phrif Weinidog Cymru

    BBC Cymru Fyw

    Er tegwch i Mark Drakeford, mae Cymru wedi ennill y Gamp Lawn ar bob cynnig ers iddo fod yn Brif Weinidog!

    cynulliad
  14. Chwaraewyr yn y Senedd

    BBC Cymru Fyw

    ...ond maen nhw yma nawr!

    Video content

    Video caption: Tîm Cymru yn y Senedd
  15. Mae'r tlysau wedi cyrraedd!

    BBC Cymru Fyw

    ...ond dim arwydd o'r tîm hyd yma...

    Tlysau