a gafodd drwydded deledu?

You need one to watch live TV on any channel or device, and BBC programmes on iPlayer. It’s the law.

darganfyddwch fwy
Nid oes gennyf drwydded deledu

Y diweddaraf yn fyw

Mae pob amser yn lleol i'r DU

Cyfrannu

  1. Dyna ni am heno!

    BBC Cymru Fyw

    Pawb i weld yn gytûn fod Denmarc yn haeddu ennill y gêm heno yn Aarhus.

    Nifer o chwaraewyr Cymru heb fod ar eu gorau, ond mwy o gyfleoedd i'r chwaraewyr ifanc ymddangos ar y lefel rhyngwladol yn erbyn un o dimau gorau'r byd.

    Diolch am ddilyn y llif byw, er gwaethaf y canlyniad, roedd hi'n braf iawn cael eich cwmni.

    Nos da . . .

    Cymru
  2. Sylwadau Bale

    Cynghrair y Cenhedloedd

    Dyma oedd gan Gareth Bale i'w ddweud ar ddiwedd y gêm:

    "Mae hi'n noson falch iawn i mi o ran bod yn gapten ond rydym yn siomedig iawn gyda'r canlyniad.

    "Mae Denmarc yn dîm da ac mae 'na elfennau positif i'w cymryd o'r gêm o'n safbwynt ni.

    "Mi wneith hi gymryd amser i ni ddysgu'r syniadau newydd.

    "Mae 'na nifer o chwaraewyr newydd yn y garfan ac mi neith hi gymryd amser."

    Bale
  3. 'Chwaraewyr yn siomedig'

    Sgorio, S4C

    "Mi fydd y chwaraewyr yn siomedig yn yr ystafell newid," meddai Owain Tudur Jones.

    "I gael 12 cyfle oddi cartref yn erbyn Denmarc, mae rhaid creu mwy a pheidio bod mor amddiffynnol," meddi.

  4. 'Dim digon da'

    Iwan Roberts

    Cyn-ymosodwr Cymru

    "Doedd Allen ddim digon da, Doedd Ramsey ddim digon da, doedd Bale ddim mor effeithiol ag arfer.

    Noson siomedig i Gymru," meddai Iwan Roberts.

  5. Sgôr Terfynol: Denmarc 2-0 Cymru

    Chwiban Olaf

    Dyna ni mae'r gêm ar ben a dwy gôl Christian Eriksen yn anfon Denmarc i frig y grŵp.

    View more on twitter
  6. Sgôr têg

    Malcolm Allen

    Cyn-ymosodwr Cymru

    "Er i Gymru gael digon o'r meddiant mae'r sgôr yn dêg.

    "Mae Denmarc yn haeddu ennill," meddai Malcolm Allen.

  7. Melyn i Allen

    Cerdyn Melyn

    Joe Allen yn fyrbwyll ac yn derbyn cerdyn melyn am dacl hwyr wedi 94 munud.

  8. Melyn i Schmeichel

    Cerdyn Melyn

    Cerdyn melyn i Kasper Schmeichel yn y gôl i Denmarc am wastraffu amser.

    pum munud o amser ychwanegol yn weddill.

    Schmeichel
  9. Cofio hwn gefnogwyr Caerdydd?

    Eilyddio

    Denmarc 2-0 Cymru

    Mae cyn chwaraewr Caerdydd, Andreas Cornelius wedi dod ymlaen i Denmarc yn lle Yussuf Poulsen.

    Fe dalodd Caerdydd £8m amdano yn 2013 cyn iddo adael y clwb ar ol chwarae iddyn nhw wyth gwaith.

  10. Map o Bale

    Cynghrair y Cenhedloedd

    Dim ond tair gwaith mae Gareth Bale wedi cyffwrdd y bêl yng nghwrt cosbi Denmarc heddiw.

    Dyma fap yn dangos yn union ble mae Bale wedi cyffwrdd y bêl hyd yma.

    Map
  11. Woodburn ymlaen

    Eilyddio

    Denmarc 2-0 Cymru

    Ar ôl cael ei adael allan o'r garfan yn erbyn Gweriniaeth Iwerddon nos Iau, Mae Ben Woodburn newydd gamu ymlaen i'r maes yn lle Tom Lawrence.

  12. Melyn i Davies

    Cerdyn Melyn

    Ben Davies yw'r chwaraewr cyntaf i weld cerdyn melyn yn y gêm ar ôl tacl hwyr.

  13. Ramsey ar goll!

    Dylan Griffiths

    Chwaraeon BBC Cymru

    "Mae angen i Aaron Ramsey gael mwy o ddylanwad ar y gêm" yn ôl Dylan Griffiths.

    "Mae wedi bod yn dawel hyd yma," meddai.

  14. Roberts yn lle Ampadu

    Eilyddio

    Denmarc 2-0 Cymru

    Ail eilydd Cymru o'r noson:

    Ethan Ampadu sy'n gadael y maes a'r ymosodwr Tyler Roberts sy'n camu ymlaen.

  15. Allen yn agos!

    Cynghrair y Cenhedloedd

    Croesiad i'r cwrt cosbi gan Brooks ac ergyd Joe Allen o 10 llath yn hedfan dros y trawst.

  16. Gôl i Denmarc

    Gôl!

    Denmarc 2-0 Cymru

    Pwy arall ond Christian Eriksen i ddyblu mantais y tîm cartref.

    Ergyd bwerus o'r smotyn lawr canol y gôl.

  17. Cic o'r smotyn i Denmarc

    Cic o'r smotyn

    Ethan Ampadu yn llawio yn y cwrt cosbi a'r dyfarnwr yn pwyntio i'r smotyn,

    Cyle i Denmarc . . .