a gafodd drwydded deledu?

You need one to watch live TV on any channel or device, and BBC programmes on iPlayer. It’s the law.

darganfyddwch fwy
Nid oes gennyf drwydded deledu

Y diweddaraf yn fyw

Mae pob amser yn lleol i'r DU

Cyfrannu

  1. Hwyl am y tro

    BBC Cymru Fyw

    A dyna ni am heddiw ar lif byw Cymru Fyw - cofiwch ymuno â ni bore fory eto am 08:30 am y diweddaraf o'r maes yn Llanelwedd.

    Tan hynny, hwyl fawr!

  2. Diwedd y seremoni

    Eisteddfod yr Urdd

    Mae'r gynulleidfa'n cael gweld darn o waith Mirain, 'Dadrith', yn cael ei berfformio, cyn i'r dawnswyr ifanc gyfarch y llenor buddugol.

    Mae'r seremoni nawr yn dod i ben gyda'r gynulleidfa'n canu Ymdeithgan yr Urdd.

  3. Cystadleuydd cyson

    Eisteddfod yr Urdd

    Llongyfarchiadau mawr i Mirain, cyn-ddisgybl Ysgol Gynradd Pontyberem ac Ysgol Maes yr Yrfa, ar ei buddugoliaeth.

    Mae hi bellach yn byw yng Nghaerdydd, ble bu'n astudio Drama a Chymraeg yn y brifysgol.

    “Ers gadael y brifysgol, dwi wedi derbyn anogaeth gyson i barhau i ysgrifennu gan yr awdur Dafydd Llewelyn a mawr yw fy niolch iddo," meddai.

    Mae hi wedi bod yn gystadleuydd cyson yn yr Esiteddfod dros y blynyddoedd, ac mae hefyd yn adnabyddus am chwarae cymeriad 'Lois' ar Pobol y Cwm.

    mirain alaw jones
  4. Mirain Alaw Jones yn cipio'r Fedal Ddrama

    Eisteddfod yr Urdd

    Aelod o Gylch Canol Caerdydd, ond yn wreiddiol o Gapel Seion yng Nghwm Gwendraeth yw Mirain Alaw Jones - ennillydd Medal Ddrama Eisteddfod yr Urdd 2018.

    mirain
  5. Teilyngdod

    Eisteddfod yr Urdd

    Chwech sydd wedi ymgeisio yn y gystadleuaeth eleni, sydd wedi'i beirniadu gan Luned Aaron ac Aled Jones Williams.

    Mae Ms Aaron yn cyhoeddi mai gwaith 'Twit-ta-hw' sydd yn dod i'r brig, a hynny am "ddrama gyfoes ei hapêl".

    Wrth i ni aros i'r llenor buddugol gael eu cyrchu i'r llwyfan, mae Meistr y Ddefod yn cyhoeddi enwau'r rheiny oedd yn ail a thrydydd - Morgan Owen a Nia Haf.

  6. Dechrau seremoni'r Fedal Ddrama

    Eisteddfod yr Urdd

    Draw a ni nôl i'r Pafiliwn nawr ar gyfer prif seremoni'r dydd - Y Fedal Ddrama.

    A fydd 'na deilyngdod? Cawn wybod yn y man. Meistr y Ddefod yw'r actor Rhys Walmsley.

  7. Holi eisteddfodwyr am enwau lleoedd

    BBC Cymru Fyw

    Mae Comisiynydd y Gymraeg wedi bod yn gofyn am gymorth eisteddfodwyr ar faes yr ŵyl yn Llanelwedd wrth baratoi rhestr newydd o enwau lleoedd yng Nghymru.

    Bydd eisteddfodwyr yn cael eu holi i brofi'r rhestr newydd, gan sicrhau fod enw eu pentref neu dref wedi ei gynnwys ynddi.

    Bydd y rhestr derfynol o enwau safonol yn cael ei lansio'n ffurfiol ddiwedd y mis.

    stondin comisiynydd y gymraeg
  8. Cerddor aml-dalentog

    Eisteddfod yr Urdd

    Rhagor o ganlyniadau, a llongyfarchiadau arbennig i Christopher Sabisky am ddod yn gyntaf unwaith eto, y tro yma yn yr Unawd Chwythbrennau Bl. 7-9.

    Roedd y disgybl o Ysgol Uwchradd Dyffryn Conwy eisoes wedi ennill ar yr Unawd Telyn yn gynharach yn y dydd - bachgen aml-dalentog iawn!

    View more on twitter
    View more on twitter
  9. Her Myfanwy, Meirwen a Dafydd

    Eisteddfod yr Urdd

    Wel, mae hynny'n un ffordd o gadw'r plant yn ddistaw...!

    View more on twitter
  10. Cyw yn creu ynni

    Eisteddfod yr Urdd

    Tra bod cyflwynwyr Stwnsh, S4C yn perfformio ar lwyfan y Maes, roedd cyflwynwyr Cyw yn brysur yn creu ynni gwyrdd drwy bedalu ar stondin Llywodraeth Cymru.

    Does dim llawer o siap creu ynni ar Ben Dant nag oes?

    creu ynni
  11. Hwyl a sbri ar y cwrt pêl-rwyd

    Eisteddfod yr Urdd

    A welwn ni ambell un o'r sêr ifanc yma yng Ngemau'r Gymanwlad yn y dyfodol?

    View more on twitter
  12. Ydych chi wedi dod ar draws y 'Fam Eisteddfodol'?

    MamCymru

    MamCymru

    Mae dynes o Lundain sydd bellach yn byw yng Nghymru wedi ysgrifennu blog i wefan MamCymru yn sôn am ei phrofiadau hi a'i theulu o ymwneud ag Eisteddfod yr Urdd.

    Mae'n dweud ei fod yn "gyfle ffantastig i blant yng Nghymru a dwi ond yn dymuno y buaswn i wedi cael yr un cyfleoedd pan o'n i'n tyfu fyny yn Lloegr".

    Ond mae'n cyfaddef bod un elfen o'r cystadlu'n codi ofn arni - y "fam Eisteddfodol".

    "Mae e fel petai rhywbeth yn digwydd i ambell un ohonyn nhw pan mae'n dod at yr Urdd, maen nhw'n troi mewn i'r bwystfilod cystadleuol ofnadwy a chreulon 'ma!"

  13. Newid yn yr aer?

    Eisteddfod yr Urdd

    Mae ambell i arwydd bod y tywydd wedi dechrau newid yn ara' deg ar y Maes.

    ambarel
    cysgodi
    ambarel
  14. Sêr Stwnsh ar y llwyfan

    Eisteddfod yr Urdd

    Mae Cyw wedi mwynhau lot o sylw yn ystod dau ddiwrnod cynta'r Eisteddfod oherwydd eu bod yn dathlu 10 mlynedd o fodolaeth - felly tro ser Stwnsh yw hi heddiw.

    Roedd rhai o sêr rhaglenni gwasanaeth S4C i blant yn perfformio heddiw ar lwyfan y Maes yn ardal y Pentre'.

    sioe stwnsh
  15. 'Dim problem' rhwng yr Urdd a'r Ffermwyr Ifanc

    Golwg 360

    Mae trefnwyr Eisteddfod yr Urdd wedi dweud nad oes “unrhyw broblem” yn bodoli rhwng mudiad yr Urdd a Chlybiau Ffermwyr Ifanc Cymru, yn ôl Golwg360.

    Daw hynny wedi i CFfI Cymru benderfynu peidio ag agor y pencadlys sydd ganddyn nhw ar y maes yr wythnos hon, ar ôl cael deall y byddai ar y cyrion.

    Ond mae'n ymddangos fod yr adeilad mewn man canolog ar y maes wedi'r cwbl, ac nad yw ffens arfaethedig oedd am gael ei chodi i'w gwahanu wedi ymddangos wedi'r cwbl.