a gafodd drwydded deledu?

You need one to watch live TV on any channel or device, and BBC programmes on iPlayer. It’s the law.

darganfyddwch fwy
Nid oes gennyf drwydded deledu

Crynodeb

  1. Isetholiad Cynulliad yn dilyn marwolaeth Carl Sargeant
  2. Jack Sargeant yn olynu ei dad fel Aelod Cynulliad
  3. Mwyafrif o dros 6,500 o bleidleisiau
  4. 29.08% o etholwyr wedi pleidleisio

Y diweddaraf yn fyw

Mae pob amser yn lleol i'r DU

Cyfrannu

  1. Diolch am ddilyn

    BBC Cymru Fyw

    Noson emosiynol i Jack Sargeant a'i deulu yn dilyn y fuddugoliaeth yng Nghei Connah heno.

    Darllenwch yr hanes i gyd yma.

    Diolch am ddilyn ein llif byw, nos da.

    JS
  2. 'Canolbwyntio ar Alun a Dyfrdwy'

    BBC Cymru Fyw

    Pan ofynnwyd i'r AC Llafur Ken Skates a fyddai Jack Sargeant yn ddraenen yn ochr Carwyn Jones, dywedodd Mr Skates y byddai Mr Sargeant yn canolbwyntio ar bobl sy'n "sefyll yn y ffordd i'r hyn sydd orau i Alun a Glannau Dyfrdwy".

    "Dyna mae Jack yn canolbwyntio arno, a dyna fydd o'n ei sicrhau."

  3. 60.7% o'r bleidlais i Jack Sargeant

    BBC Cymru Fyw

    Cafodd Jack Sargeant 60.7% o'r bleidlais gyda mwyafrif o dros 6,500 o bleidleisiau.

    View more on twitter
  4. Bloedd gan y dorf

    BBC Cymru Fyw

    Roedd tipyn o floedd wrth i enw Jack Sargeant gael ei gyhoeddi yng Nghei Connah, ac fe ddywedodd: "Rydw i wrth fy modd fod pobl Alun a Glannau Dyfrdwy am roi eu ffydd yn y blaid Lafur eto."

  5. 'Etholiad na ddylwn ni fod yn sefyll ynddo'

    BBC Cymru Fyw

    Dywedodd ei fod yn dal i ddod i dermau gyda marwolaeth ei dad, ond ei fod yn gwybod bod llawer o bobl yn caru ei dad.

    "Dyma etholiad na ddylwn ni fod yn sefyll ynddo.

    "Mae cwestiynau i'w hateb am pam ein bod yn sefyll ac ymchwiliadau'n digwydd.

    "Ond mae heno am ddathlu buddugoliaeth ar ran pobl Alun a Glannau Dyfrdwy."

    Jack
  6. 'Y gwaith caled yn dechrau'

    BBC Cymru Fyw

    Jack Sargeant: "Dydy'r fuddugoliaeth yma ddim amdana i, mae o am y gymuned yma.

    "Mae'r gwaith caled yn dechrau rwan"

  7. 'Sefyll i fyny dros Alun a Glannau Dyfrdwy'

    BBC Cymru Fyw

    Wedi'r fuddugoliaeth, diolchodd Jack Sargeant i'w fam a'i chwaer a'i deulu i gyd.

    Dywedodd ei fod yn "golygu gymaint" iddo, a'i fod yn "edrych ymlaen at fynd i lawr i Fae Caerdydd a sefyll i fyny dros bobl Alun a Glannau Dyfrdwy".

    JS
  8. Y canlyniad llawn

    BBC Cymru Fyw

    Jack Sargeant - Llafur - 11,267

    Sarah Atherton - Ceidwadwyr - 4,722

    Carrie Harper - Plaid Cymru - 1,059

    Donna Lalek - Democratiaid Rhyddfrydol - 1,176

    Duncan Rees - Y Blaid Werdd - 353

  9. Newydd dorriJack Sargeant yn ennill

    BBC Cymru Fyw

    Jack Sargeant sydd wedi ennill isetholiad Cynulliad Alun a Glannau Dyfrdwy.

    Jack S
  10. Canlyniad ar ei ffordd

    BBC Cymru Fyw

    Mae'r ymgeiswyr wedi ymgynnull gyda'r swyddog etholiadol.

    Mae'n edrych fel bod canlyniad ar ei ffordd...

  11. Skates yn 'falch' o ymdrech Llafur

    BBC Cymru Fyw

    Wrth i'r cyfri' barhau yng Nghei Connah, dywedodd AC Llafur, Ken Skates y gallai'r blaid "fod yn falch o'r ymdrech aruthrol gan deulu Llafur Cymru" beth bynnag fydd y canlyniad.

    Skates
  12. Y cyfri'n parhau

    Iolo Cheung

    Gohebydd BBC Cymru Fyw

    Cadarnhad mai 29.08% o'r etholwyr sydd wedi pleidleisio yn yr isetholiad heddiw - sef 18,618 allan o 64,029 etholwr posib.

    Mae'r ymgeiswyr wedi ymgasglu i gael gwybod am y pleidleisau na chafodd eu cyfri'.

    Ymgeisywr
  13. 29.08% wedi pleidleisio

    BBC Cymru Fyw

    Mae gohebydd y BBC, Sarah Easedale, yn trydar bod 29.08% o etholwyr wedi pleidleisio.

    Ffigwr "eitha' da" yn ôl Golygydd Materion Cymreig y BBC, Vaughan Roderick.

    View more on twitter
  14. 'Synhwyro byddai llai yn pleidleisio'

    Iolo Cheung

    Gohebydd BBC Cymru Fyw

    Mae ein gohebydd yng Nghei Connah, Iolo Cheung yn dweud: "Dim llawer o amheuaeth yn y neuadd ar hyn o bryd fod Llafur tipyn ar y blaen, ac yn bur debygol o ennill yn saff.

    "Mae sawl un o'r ymgyrchwyr yma, gan gynnwys ymgeisydd Plaid Cymru, Carrie Harper, yn dweud eu bod nhw wedi synhwyro ar y stepen ddrws y byddai llai yn pleidleisio eleni."

    cyfri
  15. Buddugoliaeth gyfforddus i Lafur?

    Yr Athro Roger Awan-Scully

    Cyfarwyddwr Canolfan Llywodraethiant Cymru

    Yr Athro Roger Awan-Scully yn dweud ei fod yn ymddangos bod Llafur wedi cadw'r sedd yn gyfforddus.

    View more on twitter
  16. 'Llai na 30% wedi pleidleisio'

    Twitter

    Mae gohebydd y Leader yn trydar bod llai na 30% o etholwyr wedi pleidleisio.

    View more on twitter
  17. Dadansoddiad ein gohebydd gwleidyddol

    Daniel Davies

    Gohebydd Gwleidyddol BBC Cymru

    Ein gohebydd gwleidyddol, Daniel Davies sy'n dadansoddi'r sefyllfa o Gei Connah.

    Video content

    Video caption: Daniel Davies sy'n dadansoddi o Gei Connah