a gafodd drwydded deledu?

You need one to watch live TV on any channel or device, and BBC programmes on iPlayer. It’s the law.

darganfyddwch fwy
Nid oes gennyf drwydded deledu

Crynodeb

  1. Y Ceidwadwyr yn ennill tair sedd yng Nghymru ac yn gwneud yn dda ar draws y DU
  2. Yr SNP yn ysgubol yn yr Alban - Plaid Cymru'n cadw tair sedd yng Nghymru ond ddim yn ennill un
  3. Nifer o ffigyrau amlwg Llafur a'r Democratiaid Rhyddfrydol yn colli'u seddi ar draws y DU

Y diweddaraf yn fyw

Mae pob amser yn lleol i'r DU

Cyfrannu

  1. Post update

    HWYL AM Y TRO

    Etholiad 2015

    Diolch i bawb fu'n darllen a gwrando ar ein llif byw dros nos.

    Fe fyddwn ni'n eich gadael chi nawr, ond fe fydd ein llif byw dyddiol arferol yn dychwelyd am 08:00 gyda llawer mwy o ddadansoddi a newyddion am hynt a helynt y pleidiau wedi'r noson fawr.

    Hwyl am y tro.

  2. Post update

    OLYNYDD NICK CLEGG?

    Vaughan Roderick

    Golygydd Materion Cymreig y BBC

    "Dwi'n meddwl y bydd Nick Clegg yn mynd yn sydyn iawn, a dwi'n meddwl alle ni fod yn sicr mai Tim Farron fydd yn cymryd ei le fe, dwi'n meddwl bod Llafur yn fwy diddorol. Oherwydd dwi'n meddwl bod yna pwysau o fewn y blaid Lafur oherwydd y chwalfa yma i chwilio am rywyn yn y cenhedlaeth nesa. Rhywyn heb unrhyw fath o gysylltiad gyda llywodraethau Tony Blair a Gordon Brown...."

  3. Post update

    GOLYGFA O SAN STEFFAN

    Etholiad 2015

    Mae gohebydd gwleidyddol BBC Cymru James Williams wedi trydar llun o'r olygfa a'i flaen yn Llundain cyn iddo ddarlledu'n fyw ar raglen Etholiad 2015 y bore 'ma.

    Dyma'r olygfa fydd yn wynebu aelodau seneddol hen a newydd yn dilyn yr holl ymgyrchu dros yr wythnosau diwethaf.

    San Steffan
  4. Post update

    SÊL CIST CAR - NEU'R DECHNOLEG DDIWEDDARAF?

    BBC Radio Cymru

    Mae BBC Radio Cymru wedi trydar llun o'r cyfarpar fydd Gethin Morris Williams yn ei ddefnyddio i ddarlledu o gefn cist car ar gyfer y Post Cyntaf o Fangor.

    Car
  5. Post update

    YN ÔL I'R 70au?

    Etholiad 2015

    Wrth siarad ar raglen Etholiad 2015 ar S4C, mae Aelod Cynulliad y Democratiaid Rhyddfrydol Aled Roberts wedi dwedu fod ei blaid yn ôl yn yr un sefyllfa ag yr oedd yn y 70au, ac mae llawer o waith i'w wneud.

  6. Post update

    DAU AC NEWYDD?

    Etholiad 2015

    Ac o son am y Cynulliad bydd angen dau aelod newydd ym Mae Caerdydd gan fod dau AC presennol wedi ennill seddi yn San Steffan - Byron Davies yn cipio Gŵyr oddi ar Lafur ac Antoinette Sandbach yn ennill yn Eddisbury. Mae disgwyl i'r ddau aelod Ceidwadol ildio'u seddi yn y Cynulliad.

  7. Post update

    ETHOLIAD Y CYNULLIAD YN GYFLE I AIL-ADEILADU

    BBC Radio Wales

    Mae'r Farwnes Randerson o'r Democratiaid Rhyddfrydol wedi dweud wrth BBC Radio Wales na fydd ei phlaid yn gallu ail-adeiladu dros nos yn dilyn canlyniadau siomedig - ac mai etholiad y Cynulliad yn 2016 fydd y cyfle cyntaf i ail-afael yn y gwaith.

  8. Post update

    Y MAP GORFFENEDIG

    Etholiad 2015

    Mae'r lliwiau ar y map o Gymru yn gyflawn - dyma sut mae'n edrych y bore 'ma.

    map0630
  9. Post update

    HEL ATGOFION?

    Guto Harri Cyfarwyddwr Cyfathrebu News UK

    "Cofio 1992 - lot o bobl lawer mwy parod i bleidleisio i'r Ceidwadwyr nac oedd yn fodlon datgan eu cefnogaeth i'r glas - neu'n gyndyn i gefnogi arweinydd Llafur amheus."

  10. Post update

    CAMERON YN DYCHWELYD I DOWNING STREET

    Etholiad 2015

    Yn ôl asiantaeth newyddion y Press Association mae David Cameron ar ei ffordd yn ôl i Lundain lle mae disgwyl iddo ddychwelyd i rif 10 Downing Street.

  11. Post update

    MWY O DDIFLASTOD I'R DEM.RHYDD.

    Democratiaid Rhyddfrydol

    Mae'r ddau berson oedd yn bennaf gyfrifol am y trafodaethau clymbleidio gyda'r Ceidwadwyr yn 2010 - Danny Alexander a David Laws - wedi colli eu seddi yn yr etholiad.

  12. Post update

    DADANSODDI'R CANLYNAIDAU

    Etholiad 2015

    Mae'r Athro Roger Scully wedi bod yn dadansoddi'r data - ac yn cymharu'r canlyniadau gyda chanlyniadau hanesyddol y pleidiau yng Nghymru.

    "Mae'r Ceidwadwyr wedi cael eu cyfran uchaf o'r bleidlais yng Nghymru ers 1992, gyda'r nifer fwyaf o seddi ers 1983, ac ail berfformiad gorau'r blaid ers 1935.

    "Dyma ail berfformiad gwaethaf y blaid Lafur ers 1918 - a'r nifer isaf o seddi yng Nghymru ers 1987 (pan oedd dim ond 38 sedd mewn bodolaeth).

    "Dyma oedd canran isaf y bleidlais i'r Democratiaid Rhyddfrydol / Rhyddfrydwyr ers 1966.

    "I Blaid Cymru fe gawson nhw eu trydydd cyfran uchaf erioed mewn etholaeth cyffredinol (ar ôl 14.3% yn 2001 a 12.6% yn 2005).

    "Ac wrth gwrs fe gafodd UKIP eu canlyniad gorau erioed yng Nghymru mewn etholiad cyffredinol."

  13. Post update

    CARREG FILLTIR ARALL I'R SNP

    Mae'r Athro Roger Scully o Ganolfan Llywodraethiant Cymru wedi trydar ei bod yn ymddangos y bydd yr SNP yn sicrhau dros 50% o'r bleidlais yn yr Alban - y tro cyntaf i unrhyw blaid wneud hynny ers i'r Ceidwadwyr/Unoliaethwyr wneud hynny yn 1955.

  14. Post update

    CANLYNIADAU CYMRU'N GYFLAWN

    Etholiad 2015

    Mae holl ganlyniadau Cymru wedi dod i law, a dyma sut fydd y map gwleidyddol yma am y pum mlynedd nesaf.

    state of play
  15. Post update

    DIM MODD RHAGWELD Y CANLYNIAD

    James Williams

    Gohebydd Seneddol BBC Cymru

    "Does bosib bod unrhywun wedi rhagweld y fath ganlyniad! Y Ceidwadwyr yn fuddugol yn Lloegr a Chymru (dyma berfformiad gorau'r blaid yma ers 1983), a chwyldro'r SNP yn yr Alban.

    "Dwy stori wahanol sy'n gysylltiedig oherwydd methiant y blaid Lafur. Fel mae'n edrych ar hyn o bryd, fe fydd Ed Miliband yn ennill llai o seddi i Lafur na wnaeth Gordon Brown yn 2010!

    "A beth am y Democratiaid Rhyddfrydol? Mae'n debyg bod clymbleidio gyda'r Ceidwadwyr wedi bod yn weithred gostus iddyn nhw: colli aelodau, colli cynghorwyr, colli ASau, a bron yn sicr o golli arweinydd.

    "Mae gan David Cameron sawl opsiwn y bore yma o ran sut y bydd e'n dewis llywodraethu. Ond beth bynnag ei ddewis, mae'n anochel y bydd o'n parhau fel prif weinidog."

  16. Post update

    CAMERON YN CADW EI SEDD - YN GYFFORDDUS

    Etholiad 2015

    Mae David Cameron wedi ennill sedd Witney, ac hynny o fwyafrif cyfforddus.

    cameron
  17. Post update

    CAMERON YN HAWLIO'R PENAWDAU

    WalesOnline

    Mae rhifyn y dydd o'r Western Mail yn rhoi sylw i David Cameron - a does dim amheuaeth o'r pennawd pwy oedd yn fuddugol ar y noson.

  18. Post update

    MAE'N GWAWRIO YN SAN STEFFAN

    Etholiad 2015

    Mae'n gohebydd Sian Elin Dafydd wedi anfon llun o'r wawr yn torri yn San Steffan y bore 'ma - ond tybed yw'r haul yn machlud i fwy nag un o arweinwyr y pleidiau?

    San Steffan
  19. Post update

    CYHOEDDUSRWYDD I LEANNE WOOD HEB WNEUD GWAHANIAETH

    Etholiad 2015

    Yn ôl y sylwebydd gwleidyddol Gareth Hughes, tydi sefyllfa Plaid Cymru yn y cymoedd ddim mor gryf ag yr oedd. Ydi'r blaid wedi dal eu tir? Tydyn nhw ddim wedi ennill tir er bod pawb yn son am y cyhoeddusrwydd yr oedd Leanne Wood wedi ei gael yn ystod yr ymgyrch.

  20. Post update

    DYRNAID O 'DAVIESES'

    Mae Glyn Davies, aelod seneddol Ceidwadol Maldwyn wedi trydar i ddweud y bydd pum aelod seneddol Ceidwadol yng Nghymru yn rhannu'r cyfenw 'Davies'.

  21. Post update

    CANLYNIAD BRO MORGANNWG YN LLAWN

    Ceidwadwyr

    BRO

    Alun Cairns sy'n cadw'r sedd i'r Ceidwadwyr.

  22. CANLYNIAD

    CEIDWADWYR YN DAL BRO MORGANNWG

    Ceidwadwyr

  23. Post update

    'PARCHUSRWYDD' PLEIDLAIS PLAID CYMRU

    Vaughan Roderick

    Golygydd Materion Cymreig y BBC

    "'Da chi yn gweld bod Plaid Cymru bellach yn cael ryw 2,000, 3,000 hyd yn oed, yn yr etholaethau gwan yna felly mae ganddyn nhw ryw fath o barchusrwydd yn perthyn iddyn nhw ym mhob rhan o Gymru - ond dwi ddim yn deall pam oedden nhw'n credu fod ganddyn nhw drafferth yn Arfon."

  24. Post update

    UKIP YN GWNEUD YN RHYFEDDOL, OND CWESTIWN AM FARAGE

    Athro Richard Wyn Jones Canolfan Llywodraethiant Cymru

    "Dwi'n meddwl y bydd o'n debygol bydd UKIP drwch yn y blaen i Blaid Cymru fel y drydedd Blaid yng Nghymru.

    "Maen nhw'n gwneud yn rhyfeddol fel plaid newydd. Mae yna ganlyniadau lle oedden nhw'n seithfed o'r blaen, mae'n nhw wedi saethu a neidio ymlaen. Ond, mae'n nhw'n ddibynnol dwi'n meddwl ar garisma a'r holl gyhoeddusrwydd o amgylch Farage, ac os ydi o ddim yn cipio sedd mae'n bosibiliad, sy'n bosibiliad go gry, yna mae 'na gwestiwn diddorol ynglŷn â beth fydd yn digwydd i blaid sydd efo un ffigwr arweinyddol cry iawn."

  25. Post update

    CANLYNIAD GŴYR YN LLAWN

    Ceidwadwyr

    GWYR

    Canlyniad eithriadol o agos, a Byron Davies yn cipio'r sedd oddi ar Lafur am y tro cyntaf ers 1906 gyda mwyafrif o 27 yn unig.

  26. Post update

    CREU HANES YN ETHOLAETH GŴYR

    James Williams

    Gohebydd Seneddol BBC Cymru

    "Ar ôl cyfrifo'r pleidleisiau sawl gwaith, y Torïaid sy'n cymryd Gwyr o drwch blewyn! Canlyniad anhygoel! Y tro 1af i Lafur golli yno!"

  27. Post update

    Y CEIDWADWYR WEDI GWNEUD DIGON I GAEL MWYAFRIF?

    Etholiad 2015

    Mae cyn ymgeisydd am arweinyddiaeth y blaid Geidwadol David Davis wedi dweud fod na gyfle da y bydd ei blaid yn ennill mwyafrif erbyn diwedd y cyfrif.

    Dywedodd fod na gyfle y gall y blaid gipio mwy na'r 326 sydd ei angen i gipio mwyafrif, ar ôl i bôl piniwn ar ddiwedd y pleidleisio awgrymu y byddai'r Ceidwadwyr yn ennill 316 o seddi.

    Cameron
  28. Post update

    CANLYNIAD PEN-Y-BONT AR OGWR YN LLAWN

    Llafur

    PENYBONT

    Madeleine Moon sy'n cadw'r sedd i Lafur.

  29. Post update

    DAROGAN DYFODOL YR ARWEINWYR

    Vaughan Roderick

    Golygydd Materion Cymreig y BBC

    "Does dim dwywaith taw Tim Farron fydd yn olynydd i Nick Clegg. Anodd gen i weld bod Ed Miliband yn gallu goresi canlyniad mor siomedig. Bosib iawn y gwelwn ni Nigel Farage yn mynd. Mae'n bosib mai Cameron, Sturgeon a Leanne Wood fydd yr unig arweinwyr a welwn ni ar ôl."

  30. Post update

    CLEGG YN WYNEBU DIWEDD EI ARWEINYDDIAETH

    Athro Richard Wyn Jones Canolfan Llywodraethiant Cymru

    "Mae Nick Clegg yn mynd - does dim amheuaeth ei fod yn mynd. Mae wedi dal ei afael ar y sedd, ond mae ei blaid wedi taflu ei holl adnoddau i fewn i'r sedd - gan ei wneud yn anos mewn llefydd fel Brycheiniog a Maesyfed."

  31. Post update

    NICK CLEGG YN CADW EI SEDD

    Democratiaid Rhyddfrydol

    Mae arweinydd y Democratiaid Rhyddfrydol Nick Clegg wedi llwyddo i gadw ei sedd yn Sheffield Hallam ar noson hynod siomedig i'w blaid.

  32. Post update

    CANLYNIAD PRESELI PENFRO YN LLAWN

    Ceidwadwyr

    PRESELI

    Ysgrifennydd Cymru, Stephen Crabb, sy'n cadw'r sedd i'r Ceidwadwyr.

  33. Post update

    PRYDER ALUN MICHAEL

    Llafur

    Yn ôl Alun Michael - cyn brif weinidog Cymru - mae "cymaint o bobl cryf iawn ymysg yr aelodau Llafur sydd wedi colli ei seddau" heno.

  34. Post update

    Y DIWEDDARAF O'R ALBAN

    Iolo ap Dafydd

    Gohebydd Amgylchedd BBC Cymru

    Mae gohebydd BBC Cymru Iolo ap Dafydd wedi trydar o'r Alban i ddweud mai 57 sedd ydi'r cyfanswm y gall yr SNP ei ennill yn y wlad. Mae un sedd wedi ei hennill gan Lafur ac un arall gan y Democratiaid Rhyddfrydol ar hyn o bryd.

  35. Post update

    DIGONEDD O FIDEOS O UCHAFBWYTNIAU'R NOSON

    Etholiad 2015

    I weld nifer o uchafbwyntiau'r noson, cofiwch glicio ar y botwm "Prif Fideo" uchod - mae yna bentwr o fideos yno'n barod i chi ac mae mwy i ddod cyn y bore!

  36. Post update

    MESUR YR AROLYGON

    Vaughan Roderick

    Golygydd Materion Cymreig y BBC

    "Yn wahanol i 1992 roedd yr arolygon yn unfryd y tro hwn - a'r arolygon yn dangos gogwydd tua'r blaid Lafur.

    "Beth fydd y rhai sydd yn cynnal arolygon yn ei ddweud ydi mai 'snapshot' dyddiol yw'r arolygon - ond y cwestiwn ydi, oedd yr arolygon wedi camfesur? Mae'n anodd credu hynny - neu oedd na rhywbeth wedi digwydd ar y funud olaf?"

  37. Post update

    CANLYNIAD GORLLEWIN ABSERTAWE YN LLAWN

    Llafur

    GORLLEWIN ABERTAWE

    Geraint Davies sy'n ailennill ei sedd i Lafur.

  38. Post update

    CANLYNIAD GOGLEDD CAERDYDD YN LLAWN

    Ceidwadwyr

    GOG CAERDYDD

    Roedd hon yn un o brif dargedau Llafur trwy'r DU, ond y Ceidwadwyr a'i cadwodd yn gymharol hawdd.

  39. Post update

    CANLYNIAD MYNWY YN LLAWN

    Ceidwadwyr

    MYNWY

    David Davies sy'n cadw sedd Mynwy i'r Ceidwadwyr.

  40. CANLYNIAD

    LLAFUR YN DAL PEN-Y-BONT AR OGWR

    Llafur

  41. Post update

    AIL-AILGYFRI YN ETHOLAETH GŴYR

    Etholiad 2015

    Fe ddywed ein gohebydd David Grundy bod y cyfri yn etholaeth Gŵyr wedi dechrau.... am y trydydd tro!

  42. CANLYNIAD

    LLAFUR YN DAL GORLLEWIN ABERTAWE

    Llafur

  43. Post update

    DEMOCRATIAID RHYDDFRYDOL: ANODD ADEILADU ETO

    Athro Richard Wyn Jones Canolfan Llywodraethiant Cymru

    "Wrth edrych ar ble mae'r Democratiaid Rhyddfrydol yn dal i fod o ran seddi yn ddaearyddol, mae'n mynd i fod yn anodd iawn iawn ail-adeiladu plaid gydag aelodau mor anghymarus."

  44. CANLYNIAD

    CEIDWADWYR YN DAL PRESELI PENFRO

    Ceidwadwyr

  45. CANLYNIAD

    LLAFUR YN DAL GORLLEWIN CAERDYDD

    Llafur

  46. Post update

    CANLYNIAD CYFFORDDUS YNG NGOGLEDD CAERDYDD

    Athro Richard Wyn Jones Canolfan Llywodraethiant Cymru

    "Roedd canlyniad i'r Ceidwadwyr yng ngogledd Caerdydd yn un weddol gyfforddus, mewn sedd yr oedd y blaid Lafur yn hyderus o'i chipio.

    "Roedd na bryder fod neges 'project fear' David Cameron am yr SNP wedi codi pryder ymysg pobl, yn ôl yr hyn yr oedd yn cael ei ddweud ar lawr gwlad."

  47. CANLYNIAD

    LLAFUR YN DAL CASTELL-NEDD

    Llafur

  48. Post update

    MAE'R MAP BRON YN LLAWN

    Etholiad 2015

    map0400
  49. CANLYNIAD

    CEIDWADWYR YN CADW GOGLEDD CAERDYDD

    Ceidwadwyr

  50. Post update

    DYFFRYN CLWYD YN SIOC Y NOSON - I BAWB OND UN....

    Athro Richard Wyn Jones Canolfan Llywodraethiant Cymru

    Mae 'Dicw' yn ôl, chwedl Vaughan Roderick, ac mae'r ddau yn gyfeillion mae'n amlwg. Meddai'r Athro Richard Wyn Jones:

    "Mae hi wedi bod yn noson echrydus i'r Democratiaid Rhyddfrydol yng Nghymru, ac mae son fod y blaid yn mynd i gael ei dileu o Dŷ'r Cyffredin. Ond sioc y noson yma yng Nghymru ydi'r Ceidwadwyr yn cipio Dyffryn Clwyd - a dim ond Vaughan Roderick wnaeth grybwyll hon fel sedd bosib i'r Ceidwadwyr."

  51. Post update

    CANLYNIAD LLAWN DE CAERDYDD A PHENARTH

    Llafur

    DCA PEN

    Stephen Doughty sy'n dychwelyd i San Steffan ar ran Llafur.

  52. Post update

    GOGWYDD SYFRDANOL I'R SNP

    Iolo ap Dafydd

    Gohebydd Amgylchedd BBC Cymru

    Yn ôl gohebydd BBC Cymru Iolo ap Dafydd, bellach mae 38 o seddi wedi eu hennill gan yr SNP yn yr Alban ac mae na newidiadau syfrdanol yn digwydd ar hyd y wlad. Mae'n debyg mai stori'r noson ydi nid cymaint faint mae'r SNP yn ennill y seddau - ond maint y gogwydd syfrdanol - 39% ydi'r mwyaf.

  53. Post update

    CANLYNIAD PONTYPRIDD YN LLAWN

    Llafur

    PONTY

    Llefarydd Llafur ar Gymru, Owen Smith, sy'n cadw sedd Pontypridd yn San Steffan.

  54. CANLYNIAD

    LLAFUR YN DAL OGWR

    Llafur

  55. Post update

    Y CYFRIF YN TYNNU TUA'R TERFYN - YNG NGHYMRU O LEIA'!

    Vaughan Roderick

    Golygydd Materion Cymreig y BBC

    "Dim ond 9 canlyniad ar ôl i ddod o Gymru - a rhyw 400 arall i ddod o Loegr!"

  56. Post update

    CANLYNIAD YNYS MÔN YN LLAWN

    Llafur

    MON

    Roedd hi'n aruthrol o agos ar Ynys Môn, ond Albert Owen sy'n cadw'r sedd i Lafur gyda mwyafrif o 229.

  57. Post update

    CANLYNIAD DELYN YN LLAWN

    Llafur

    DELYN
  58. CANLYNIAD

    CEIDWADWYR YN DAL GORLLEWIN CAERFYRDDIN A DE PENFRO

    Ceidwadwyr

  59. Post update

    CRAFFU AR Y CYFRIF YNG NGŴYR

    Etholiad 2015

    Mae hi'n agos yn yr ail-gyfrif yn etholaeth Gŵyr! Dyma'r ymgyrchwyr yn craffu ar y cyfri yn ofalus.

    CYFRI
  60. CANLYNIAD

    LLAFUR YN DAL OGWR

    Llafur

  61. Post update

    AIL GYFRI YNG NGŴYR

    Etholiad 2015

    Yn ôl ein gohebydd David Grundy fe fydd ail gyfri yn etholaeth Gŵyr.

  62. CANLYNIAD

    LLAFUR YN DAL DELYN

    Llafur

  63. CANLYNIAD

    LLAFUR YN CADW DE CAERDYDD A PENARTH

    Llafur

  64. Post update

    AS BENYWAIDD CYNTAF PLAID CYMRU

    Plaid Cymru

    Dyma Liz Saville Roberts yn areithio ar ôl cael ei hethol fel AS Dwyfor Meirionnydd - yr AS benywaidd cyntaf erioed i Blaid Cymru.

    liz
  65. Post update

    NEWIDIADAU YNG NGHANRAN Y BLEIDLAIS HYD YN HYN

    Etholiad 2015

    Yn ôl yr Athro Roger Scully o Ganolfan Llywodraethiant Cymru, gyda 24 o'r 40 seddi Cymreig wedi eu cyhoeddi, mae neiwdiadau yng nghanran y bleidlais i'r pleidiau yn:

    • Llafur: +1.0
    • Ceidwadwyr: +1.4
    • Plaid Cymru: +1
    • UKIP: +11.8
    • Democratiaid Rhyddfrydol: -13.7
  66. CANLYNIAD

    LLAFUR YN DAL YNYS MÔN

    Llafur

  67. Post update

    SYMUD YN ÔL I HEN BATRWM

    Vaughan Roderick

    Golygydd Materion Cymreig y BBC

    "Mae ambell i batrwm yn datblygu. Ry' ni'n gweld gwleidyddiaeth Cymru yn symud nol i hen batrwm. Yn ystod etholiadau cyffredinol ddiweddar mae Llafur wedi tan-berfformio yn ei chadarnleoedd a gor-berfformio yn ei seddi ymylol.

    "Nawr, os y'n ni'n edrych ar y cymoedd mae'r mwyafrifoedd yn saethu nôl lan, Merthyr y mwyafrif nôl lan o ryw bedair mil i ryw 15,000 er enghraifft, ry' ni'n gweld yr un patrwm yn digwydd yn Nhorfaen, ond dyw'r pleidleisiau fel na mewn system cyntaf i'r felin o ddim werth i Lafur."

  68. CANLYNIAD

    LLAFUR YN DAL CWM CYNON

    Llafur

  69. Post update

    BACH IAWN O SYLFAEN AR ÔL I'R DEMOCRATIAID RHYDDFRYDOL

    Vaughan Roderick

    Golygydd Materion Cymreig y BBC

    "Mae'r Democratiaid Rhyddfrydol mewn un ffurf neu ei gilydd wedi cael cynrychiolaeth yng Nghymru ers 60au'r bedwaredd ganrif ar bymtheg - er i lawr i un Aelod Seneddol sawl tro. Bach iawn o'r sylfaen sydd ar ôl ac mae'r blaid wedi symud yn ôl ddegawdau yn dilyn yr etholiad yma."

  70. CANLYNIAD

    LLAFUR YN DAL ALUN A GLANNAU DYFRDWY

    Llafur

  71. CANLYNIAD

    LLAFUR YN DAL PONTYPRIDD

    Llafur

  72. CANLYNIAD

    LLAFUR YN CIPIO CANOL CAERDYDD

    Llafur

  73. Post update

    ...NEU EFALLAI DDIM

    Etholiad 2015

    Fe ddywedon ni eiliadau'n ôl bod ail gyfri ar Ynys Môn, ond mewn gwrionedd dyw hynny ddim yn sicr er bod Plaid Cymru wedi gofyn am un.

  74. CANLYNIAD

    LLAFUR YN CADW DWYRAIN ABERTAWE

    Llafur

  75. CANLYNIAD

    CEIDWADWYR YN CADW GORLLEWIN CLWYD

    Ceidwadwyr

  76. Post update

    CHWALFA I LAFUR YN YR ALBAN

    Llafur

    Mae'r blaid Lafur wedi colli nifer o seddi - ac aelodau seneddol - blaenllaw yn yr Alban heno. Mae arweinydd y blaid yno, Jim Murphy wedi colli ei sedd i'r SNP, yn ogystal â hen sedd Gordon Brown yn mynd i ddwylo'r cenedlaetholwyr hefyd.

    Fe gollodd Douglas Alexander ei sedd yn gynharach hefyd i'r SNP, ac mae'n ymddangos fod y rhagolygon o chwalfa i'r blaid yn yr Alban yn dod yn gywir.

  77. Post update

    AIL GYFRI YM MÔN

    Etholiad 2015

    Roedd ein gohebydd Nia Thomas wedi rhybuddio ei bod yn agos, ac mae cadarnhad nawr bod ail gyfri'n digwydd ar Ynys Môn.

  78. CANLYNIAD

    LLAFUR YN DAL ABERAFAN

    Llafur

  79. CANLYNIAD

    PLAID CYMRU'N CADW DWYFOR MEIRIONNYDD

    Plaid Cymru

  80. Post update

    MAE'R MAP YN LLENWI'N SYDYN

    Etholiad 2015

    map0315
  81. CANLYNIAD

    LLAFUR YN CADW DWYRAIN CASNEWYDD

    Llafur

  82. Post update

    CANLYNIAD DYFFRYN CLWYD YN LLAWN

    Ceidwadwyr

    DYFF CLWYD
  83. Post update

    NOSON DDA I'R CEIDWADWYR

    Etholiad 2015

    Yn ôl Roger Scully o Ganolfan Lywodraethiant Cymru mae'r Ceidwadwyr ar y ffordd i ennill o leiaf 10 o seddi yng Nghymru - y canlyniad gorau ers 2013.

  84. Post update

    CANLYNIAD LLAWN GORLLEWIN CASNEWYDD

    Llafur

    G CASNEWYDD

    Paul Flynn sydd wedi cadw'r sedd i Lafur.

  85. Post update

    LLAFUR YN CADW TORFAEN

    Llafur

    Mae Llafur wedi cadw eu gafael ar sedd ddiogel Torfaen, gyda Nick Thomas-Symonds yn sicrhau 16,938 o bleidleisiau - hynny 0.1% yn llai nag yn 2010. Dyma ganlyniad yr etholaeth yn llawn.

  86. CANLYNIAD

    LLAFUR YN CADW GORLLEWIN CASNEWYDD

    Llafur

  87. Post update

    CANLYNIAD MALDWYN YN LLAWN

    Ceidwadwyr

    MALDWYN

    Glyn Davies sydd wedi cadw'r sedd i'r Ceidwadwyr.

  88. CANLYNIAD

    CEIDWADWYR YN CIPIO DYFFRYN CLWYD

    Ceidwadwyr

  89. CANLYNIAD

    LLAFUR YN DAL MERTHYR TUDFUL A RHYMNI

    Llafur

  90. Post update

    CANLYNIAD DWYRAIN CAERFYRDDIN A DINEFWR YN LLAWN

    Plaid Cymru

    DCD

    Jonathan Edwards sydd yn dychwelyd i San Steffan fel AS Dwyrain Caerfyrddin a Dinefwr.

  91. Post update

    CANLYNIAD ABERCONWY YN LLAWN

    Ceidwadwyr

    ABERCONWY

    Guto Bebb sydd wedi ei ailethol fel AS Ceidwadol Aberconwy.

  92. Post update

    YMATEB I GANLYNIAD BRYCHEINIOG A SIR FAESYFED

    Vaughan Roderick

    Golygydd Materion Cymreig y BBC

    "Brycheiniog a Maesyfed wedi bod yn sedd ymylol iawn yn y gorffenol - a'r 'bwgan' Ed Miliband a'r SNP wedi cael effaith ar bleidleiswyr o bosib."

  93. Post update

    CANLYNIAD BRYCHEINIOG A SIR FAESYFED YN LLAWN

    Ceidwadwyr

    CANLYNIAD BRYCH A MAES
  94. CANLYNIAD

    CEIDWADWYR YN ENNILL BRYCHEINIOG A SIR FAESYFED

    Ceidwadwyr

  95. CANLYNIAD

    CEIDWADWYR YN DAL ABERCONWY

    Ceidwadwyr

  96. CANLYNIAD

    PLAID CYMRU'N DAL DWYRAIN CAERFYRDDIN A DINEFWR

    Plaid Cymru

  97. CANLYNIAD

    LLAFUR YN DAL RHONDDA

    Llafur

  98. Post update

    AR HYN O BRYD....

    Etholiad 2015

    Dyma fel mae hi yng Nghymru ar hyn o bryd - lliwiau'r map yn dechrau llenwi.

    Map0230
  99. Post update

    STEPHEN CRABB YN Y CYFRIF

    Ceidwadwyr

    Mae Ysgrifennydd Cymru Stephen Crabb yng nghyfrif etholaeth Preseli Penfro ar hyn o bryd, ac yn edrych yn dawel hyderus yn ôl gohebydd BBC Cymru Aled Scourfield.

    Crabb
  100. Post update

    CANLYNIAD CEREDIGION YN LLAWN

    Democratiaid Rhyddfrydol

    Ceredigion

    Mark Williams fydd yn dychwelyd i San Steffan fel AS y Democratiaid Rhyddfrydol.

  101. Post update

    GWALLGOFION GWYR

    Etholiad 2015

    Dyma ymgeisydd y Monster Raving Loony Party yn y cyfrif yn etholaeth Gŵyr heno, yn dod ag ychydig o liw i'r digwyddiad.

    Monster
  102. Post update

    CANLYNIAD LLANELLI YN LLAWN

    Llafur

    Llanelli
  103. CANLYNIAD

    LLAFUR YN CADW ISLWYN

    Llafur

  104. Post update

  105. Post update

    CANLYNIAD ARFON YN LLAWN

    Plaid Cymru

    canlyniad arfon

    Hywel Williams sydd wedi ei ethol fel AS Arfon.

  106. Post update

    CANLYNIAD ISLWYN YN LLAWN

    Llafur

    iSLWYN
  107. CANLYNIAD

    LLAFUR YN DAL CAERFFILI

    Llafur

  108. Post update

    LLAFUR YN HYDERUS YM MON

    Etholiad 2015

    Yn ôl ein gohebydd ar Ynys Môn, Nia Thomas, mae Llafur yn ymddangos yn fwyfwy hyderus o ddal eu gafael ar y sedd.

  109. CANLYNIAD

    LLAFUR YN DAL LLANELLI

    Llafur

  110. CANLYNIAD

    LLAFUR YN DAL BLAENAU GWENT

    Llafur

  111. Post update

    BYDDWCH YN BAROD!

    Etholiad 2015

    Mae ein gohebwyr ar draws Cymru wedi'n rhybuddio y gallai tri chanlyniad gyrraedd yn agos iawn at ei gilydd o fewn y munudau nesaf.

  112. Post update

    CANLYNIAD DE CLWYD YN LLAWN

    Llafur

    Canlyniad De Clwyd

    Mae Susan Elan Jones yn dychwelyd i San Steffan fel yr Aelod Seneddol.

  113. Post update

    AIL GYFRI YN NYFFRYN CLWYD

    Etholiad 2015

    Fe fydd ail gyfri yn etholaeth Dyffryn Clwyd gyda Llafur a'r Ceidwadwyr yn gwylio yn ofalus dros ben, medd ein gohebydd yno Gareth Bryer. Ychwanegodd bod y Ceidwadwyr yn edrych yn fwy hyderus.

  114. CANLYNIAD

    LLAFUR YN DAL DE CLWYD

    Llafur

  115. Post update

    CANRAN Y BLEIDLAIS YNG NGORLLEWIN CLWYD

    Etholiad 2015

    Canran y boblogaeth i bleidleisio yn etholaeth Gorllewin Clwyd oedd 64.99% - gostyngiad o'r 65.82% yn 2010.

  116. Post update

    CANLYNIAD WRECSAM MEWN LLUN

    Etholiad 2015

    canlyniad wrecsam
  117. Post update

    CWYMP 'RHYFEDDOL' Y DEMOCRATIAID RHYDDFRYDOL YN WRECSAM

    Vaughan Roderick

    Golygydd Materion Cymreig y BBC

    Mae cwymp yng nghanran pleidlais y Democratiaid Rhyddfrydol yn rhyfeddol ond nid yn annisgwyl yn sedd Wrecsam yn ôl Vaughan Roderick.

  118. Post update

    CANLYNIAD WRECSAM YN LLAWN

    Llafur

    • Llafur - 12,181
    • Ceidwadwyr - 10,350
    • UKIP - 5,072
    • Dem.Rhydd. - 1,735
    • Plaid Cymru - 2,501
    • Gwyrddion - 669
    • Annibynnol - 211

    Mae Ian Lucas wedi cadw'i sedd fel AS Wrecsam.

  119. CANLYNIAD

    LLAFUR YN DAL WRECSAM

    Llafur

  120. Post update

    CAMGYMERIAD CYFRIFIADUROL MEWN CYFRIF

    Etholiad 2015

    Mae nam cyfrifiadurol wedi cael y bai am gamgymeriad gyda niferoedd pleidleisio uchel oedd wedi eu cyhoeddi yn etholaethau Delyn ac Alun a Glannau Dyfrdwy.

    Y ganran gywir yn Nelyn oedd 69.9% a 66.73% yn Alun a Glannau Dyfrdwy.

  121. Post update

    CANLYNIAD AR DROED?

    Mae Elen Wyn, ein gohebydd yn Wrecsam, wedi trydar i ddweud bod cyhoeddiad ar droed yno....

  122. Post update

    A BU GOLEUNI!

    Etholiad 2015

    Mae'r golau wedi dychwelyd i'r neuadd gyfrif ym Mlaenau Gwent, gyda bloedd o ryddhad gan bawb!

    Golau
  123. Post update

    CAERDYDD YN CYFRIF

    Etholiad 2015

    Dyma'r prysurdeb yn y cyfrif yn etholaeth Canol Caerdydd ar hyn o bryd.

    Caerdydd
  124. Post update

    Y 'DDINAS' YN BRYDERUS?

    Etholiad 2015

    Fe ddywedodd y darlithydd busnes Llyr Roberts:

    "Dyw'r 'ddinas' ddim yn hoff o ansicrwydd felly dwi'n dychmygu bydd 'na ochenaid yn y ddinas os ydym am goelio'r arolwg barn.

    "Dwi'n credu bod y Ceidwadwyr wedi bod yn effeithiol yn portreadu Llafur fel gwrth-fusnes, ond werth nodi fod y busnesau yn bryderus am gynlluniau'r Ceidwadwyr i gael refferendwm ar yr undeb Ewropeaidd."

  125. Post update

    CANRAN Y BLEIDLAIS YN NE CAERDYDD A PHENARTH

    Etholiad 2015

    Canran y boblogaeth i bleidleisio yn etholaeth De Caerdydd a Phenarth ydi 61.56%.

  126. Post update

    ...A'R CYN BRIF WEINIDOG

    Etholiad 2015

    Mae cyn brif weinidog Cymru Rhodri Morgan wedi bod yn siarad ar S4C heno. Dim bresus lwcus iddo fe.

    Rhodri Morgan
  127. Post update

    CYFRI'N Y TYWYLLWCH!

    Etholiad 2015

    Mae'r goleuadau wedi diffodd yn y cyfrif ym Mlaenau Gwent! Golau ffonau symudol sydd yn cael eu defnyddio ar hyn o bryd - er bod disgwyl i bethau ddod yn ôl i drefn yn fuan!

    blaenau gwent
  128. Post update

    NERFAU'N NYFFRYN CLWYD

    Etholiad 2015

    Golwg ddigon nerfus sydd ar yr ymgeiswyr Llafur a Cheidwadol yn y cyfrif ar gyfer etholaeth Dyffryn Clwyd, yn ôl gohebydd BBC Cymru Gareth Bryer.

    Roedd gan Lafur fwyafrif o 2509 yn etholiad 2010.

  129. Post update

    LLAWER YN PLEIDLEISIO YN Y GOGLEDD DDWYRAIN

    Etholiad 2015

    Mae'r swyddog etholiadol yn etholaethau Delyn ac Alun a Glannau Dyfrdwy wedi dweud wrth ein gohebydd yno, Sarah Easedale, bod 84.6% wedi pleidleisio yn y naill ac 80.1% yn y llall - cynnydd anferth o 2010.

  130. Post update

    O'R STAFELL SBIN

    Etholiad 2015

    Sian Powell, Canolfan Llywodraethiant Cymru. Os ydy'r pol yn gywir beth yw arwyddocad y 58 sedd i'r SNP?

    "Ergyd fawr i Lafur ac ella mwy o glowt yn y trafodaethau sydd i ddilyn wythnos nesaf, ac yn dangos bod dylanwad refferendwm yn dal yna ar wleidyddiaeth yr Alban."

    Sian Powell
  131. Post update

    GWENU YNG NGWENT

    Llafur

    Golwg ddigon bodlon sydd ar wyneb yr ymgeisydd Llafur Nick Smith ym Mlaenau Gwent ar hyn o bryd.

    Llafur
  132. Post update

    CANRAN Y BLEIDLAIS YN NWYRAIN CAERFYRDDIN A DINEFWR

    Etholiad 2015

    Yn Nwyrain Caerfyrddin a Dinefwr, mae 70% wedi pleidleisio, ychydig llai na'r 72.6% wnaeth yn 2010.

  133. Post update

    CANRAN Y BLEIDLAIS YM MRYCHEINIOG A MAESYFED

    Etholiad 2015

    Mae 73.76% wedi bwrw'u pleidlais yn etholaeth Brycheiniog a Sir Faesyfed.

  134. Post update

    CANRAN Y PLEIDLEISIAU YN ARFON

    Etholiad 2015

    Fe wnaeth 66.5% o boblogaeth Arfon fwrw pleidlais yn yr etholiad - o gymharu gyda 63% yn 2010.

  135. Post update

    'PLAID YN LLAI HYDERUS'

    James Williams

    Gohebydd Seneddol BBC Cymru

    Meddai James Williams, ein gohebydd seneddol:

    "Pedwar neu pump. Dyna sut yr oedd hi'n edrych i Blaid Cymru ar ddechrau'r noson wrth iddyn nhw lygadu Ceredigion ac Ynys Mon.

    Erbyn hyn, mae nhw'n llai hyderus ac ond yn dweud eu bod nhw'n hyderus o gadw'r tair sedd sydd eisoes ganddyn nhw. Os felly, o ystyried y cynnydd ym mhroffil ei harweinydd Leanne Wood yn ystod yr ymgyrch, mae'n siwr y bydd y Blaid wedi ei siomi."

  136. Post update

    NEWIDIADAU MAWR YN YR ALBAN?

    Iolo ap Dafydd

    Gohebydd Amgylchedd BBC Cymru

    "Adroddiadau answyddogol ar trydar yn awgrymu bod yr SNP yn mynd i gael noson i'w chofio. Dwy etholaeth gyntaf yr Alban fydd Motherwell a Wishaw, a Rutherglen a Gorll Hamilton yn mynd i gyfeiriad SNP.

    Kezia Dugdale, dirprwy arweinydd Llafur yr Alban, yn gweld ei phlaid yn talu pris am gydweithio gyda'r Ceidwadwyr am ymgyrchu yn erbyn annibyniaeth. Mae cyn brif weinidog yr Alban Henry Mcleish yn dweud bod rhywbeth sylfaenol ar droed yn yr Alban. Amheuon bod seddi Dem.Rhydd. yn yr Ucheldir i gyd wedi eu colli. Son hefyd bod Alex Salmond yn mynd i gipio Gordon."

  137. Post update

    CERDD YR ETHOLIAD

    Etholiad 2015

    Mae @neikaradog wedi derbyn ein her i gyfansoddi cerdd #Etholiad2015. Arhoswch gyda ni i glywed y gampwaith.

  138. Post update

    Y CYFRI YN ARFON

    Etholiad 2015

    Mae gohebydd BBC Cymru Chris Dearden wedi trydar llun o'r cyfrif ar gychwyn yn etholaeth Arfon.

    ARFON
  139. Post update

    LLWYDDIANT AR Y FFORDD I'R SNP?

    Iolo ap Dafydd

    Gohebydd Amgylchedd BBC Cymru

    Yn ôl gohebydd BBC Cymru yn yr Alban, Iolo ap Dafydd, mae na awgrym o'r etholaethau fod maint llwyddiant yr SNP yn y wlad, sydd wedi ei awgrymu yn y pôl piniwn yn gynharach, yn debyg o gael ei adlewyrchu yn y canlyniadau.

  140. Post update

    O'R 'STAFELL SBIN

    Etholiad 2015

    Steffan Evans- Canolfan Llywodraethiant Cymru: "02:00-03:00 yw awr fawr Plaid Cymru. Mae disgwyl Dwyrain Caerfyrddin ac o bosib Ynys Môn ac Arfon. Mae disgwyl Ceredigion yn hwyrach yn y nos. Seddi Caerdydd - does dim disgwyl nhw tan tua 06:00 'fory."

  141. Post update

    CANRAN Y PLEIDLEISIAU YN WRECSAM

    Etholiad 2015

    Fe wnaeth 64.3% o bobl Wrecsam fwrw pleidlais yn yr etholiad, ac fe gafodd 32,774 o bapurau pleidleisio eu cyfrif.

  142. Post update

    CANRAN Y PLEIDLEISIAU YM MLAENAU GWENT

    Etholiad 2015

    Mae 61.86% o bobl Blaenau Gwent wedi bwrw pleidlais y tro hwn.

    Yn etholiad 2010 roedd y ganran yn 61.94%.

  143. Post update

    DIFYR YM MERTHYR TUDFUL

    Etholiad 2015

    Owain Clarke yw ein gohebydd ym Merthyr Tudful a Rhymni a dywedodd:

    "Mae ffynonellau'n dweud bod Llafur yn hyderus o ennill, UKIP yn dweud yn breifat y byddan nhw'n "ail da", awgrym bod pleidlais y Democratiaid Rhyddfrydol wedi chwalu'n llwyr a Plaid Cymru efallai fydd yn elwa o hynny. Dywedod un Ceidwadwr y "gallai fod effaith Leanne Wood wedi gweithio".

  144. Post update

    AGOR Y BLYCHAU OLAF YNG NGHEREDIGION

    Etholiad 2015

    Mae'r blychau pleidleisio olaf yn cael eu hagor yn Aberaeron ar gyfer etholaeth Ceredigion ar hyn o bryd.

    Agor
  145. Post update

    CHWYLDRO YN GLASGOW

    SNP

    Mae ffynhonell amlwg o fewn yr SNP wedi dweud wrth ohebydd y BBC Cemlyn Davies ei fod yn disgwyl ennill bob un o'r 7 sedd yn Glasgow - Llafur oedd yn dal y cyfan yn 2010.

  146. Post update

    NOSON LLAFUR YN 'WAEL NEU UFFERNOL'

    James Williams

    Gohebydd Seneddol BBC Cymru

    Fe fyddai'n noson uffernol i Lafur os yw'r 'exit poll' yn gywir. Er, fe fyddai'n wael hyd yn oed petai arolwg barn YouGov yn gywir - cynnydd o 5 sedd yn unig ers 2010.

    Mae ffynhonell o'r Blaid Lafur Cymreig yn wfftio'r arolygon hynny gan ddweud bod lefel y gefnogaeth yn "teimlo'n wahanol ar lawr gwlad". Efallai bod hynny'n gywir yng Nghymru lle mae disgwyl y bydd Llafur yn parhau i deyrnasu, ond mae'r darlun yn edrych yn wahanol iawn i'r blaid yn Lloegr a'r Alban.

  147. Post update

    CANLYNIAD MÔN 'O GWMPAS' 1.45AM

    Mae Cyngor Sir Ynys Môn wedi trydar i ddweud eu bod yn disgwyl cyhoeddi canlyniad am tua 01:45.

  148. Post update

    PLAID YN HYDERUS YN NWYRAIN CAERFYRDDIN A DINEFWR

    Plaid Cymru

    Mae'n gohebydd yn etholaeth Dwyrain Caerfyrddin a Dinefwr, Ashleigh Crowter, yn dweud bod cynrychiolwyr Plaid Cymru yno yn honni eu bod yn gwbl ddiogel ac y bydd Jonathan Edwards yn cael ei ailethol... hynny er nad yw rhai i'r blychau pleidleisio wedi cyrraedd y cyfri yn Llanelli eto.

  149. Post update

    DYRCHAFIAD I DDAU GEIDWADWR CYMREIG?

    Mae'r Ceidwadwr Dylan Jones Evans wedi trydar i ddweud: "Os fydd y Ceidwadwyr yn ennill 316 o seddau, gallwch ddisgwyl i Stephen Crabb {Ysgrifennydd Cymru} gael swydd amlwg yn y cabinet ac Alun Cairns i gael y job yn Swyddfa Cymru."

  150. Post update

    HUNLUN Y NOSON?

    Etholiad 2015

    Mae gohebydd BBC Cymru Catrin Heledd wedi llwyddo i gael llun gyda Prif Weinidog Denmarc yn y cyfrif i sedd Aberafan ym Mhort Talbot. Mae'r Prif Weinidog - Helle Thorning-Schmidt - yn wraig i'r ymgeisydd Llafur yn yr etholaeth - Stephen Kinnock.

    cATRIN hELEDD
  151. Post update

    CANRAN A BLEIDLEISIODD

    Etholiad 2015

    Etholaeth Dyffryn Clwyd yw'r gyntaf i ddatgelu faint o bobl wnaeth fwrw'u pleidlais yn etholiad 2015. Y canran o'r boblogaeth a wnaeth yw 62.5% - tipyn llai na'r 63.7% a wnaeth yn 2010.

  152. Post update

    UN RHESWM PAM FOD Y CYFRIF MOR ARAF....

    Vaughan Roderick

    Golygydd Materion Cymreig y BBC

    Mae Vaughan Roderick wedi cynnig y ddamcaniaeth fod cyfrif pleidleisiau'n broses mor araf y dyddiau hyn gan nad oes clercod banciau'n gwneud y gwaith.

    Dywedodd ar raglen Etholiad 2015 ar S4C fod y gwaith o gyfrif yn cael ei wneud gan nifer o glercod banciau yn y gorffenol - oedd wedi hen arfer cyfrif yn gyflym - ond gan nad oes llawer o glercod yn bodoli erbyn hyn mae'r gwaith yn dipyn mwy araf!

  153. Post update

    YMATEB I'R PÔL PINIWN

    James Williams

    Gohebydd Seneddol BBC Cymru

    Doedd neb wedi darogan hynny! Yn wir, mae'r 'exit poll', os yw hi'n gywir, yn mynd yn groes i'r holl rhagolygon cyn y bleidlais.

    Os yw'r Ceidwadwyr yn ennill 316 sedd, yna dwi'n rhagweld y bydd David Cameron yn llywodraethu ar ben ei hun gan fod cymaint o aelodau meinciau cefn y Toriaid yn gwrthwynebu clymblaid arall.

    Er, pwyll pia'i hi! Mae'r Ceidwadwyr ei hun yn wyliadwrus. "Anghredadwy," meddai un ffynhonnel Ceidwadol wrthai. Efallai ei fod e'n gywir!

  154. Post update

    CEIDWADWYR YN OBEITHIOL

    Ceidwadwyr

    Mae'r gohebydd gwleidyddol Daniel Davies wedi dweud bod ffynhonell o'r Ceidwadwyr Cymreig wedi dweud wrtho:

    "Rydym yn meddwl ein bod â chyfle o hyd yng Ngogledd Caerdydd, ac yn hyderus am Frycheiniog a Maesyfed."

  155. Post update

    'MAE DICW YMA'

    Mae Vaughan Roderick wedi trydar i ddweud: "Mae Dicw yma!"

    .....Yr Athro Richard Wyn Jones i chi a fi!

  156. Post update

    O'R 'STAFELL SBIN...

    Etholiad 2015

    Mae Martha Holeyman yn gweithio efo rhaglen Hacio, a dywedodd:

    "O ran Twitter, Ukip a'r Gwyrddion sydd wedi bod yn trydar fwyaf," meddai Martha. "Trwy'r etholiad nhw sydd wedi cael y cyfryngau cymdeithasol gryfaf. Achos bod gyda nhw llai o arian mae nhw yn canolbwyntio ar gael cysylltiad uniongyrchol gyda'r etholwyr."

    Martha Holeyman
  157. Post update

    RHUN AP IORWERTH: ARWYDDION CYNNAR 'CALONOGOL' YM MÔN

    Plaid Cymru

    Yn ôl Aelod Cynulliad Plaid Cymru Ynys Môn Rhun ap Iorwerth mae na arwyddion cynnar 'calonogol' i Blaid Cymru ar yr ynys.

    Mae John Rowlands yn brwydro i ddisodli'r Aelod Seneddol Llafur Albert Owen.

  158. Post update

    PASTAI'R PRIF WEINIDOG

    Ceidwadwyr

    Mae David Cameron wedi lleisio ei foddhad gyda chanlyniadau'r pôl piniwn cynharach. Mae'n dilyn y diweddaraf o'i gartref yn Witney.

    Ar nodyn ysgafnach - fe gafodd bastai cig eidion a brocli i swper gyda'i wraig heno meddai un o ohebwyr BBC News.