Dyn wedi marw ar ôl cael ei frathu gan gi yn Wrecsam

  • Cyhoeddwyd
Swyddogion heddlu ar Stryt Holt, Wrecsam
Disgrifiad o’r llun,
Swyddogion heddlu ar Stryt Holt, Wrecsam brynhawn Llun

Mae dyn 62 oed wedi marw ar ôl cael ei frathu gan gi mewn tŷ yn Wrecsam.

Cafodd y gwasanaethau brys eu galw i Stryt Holt am 11:44 wedi adroddiadau bod dyn yn cael ataliad ar y galon ar ôl cael ei frathu.

Bu farw'r dyn yn y tŷ, ac mae'r ymchwiliad i'r digwyddiad yn parhau.

Cafodd y ci ei ddifa gan filfeddyg, ac mae cŵn eraill oedd yn cael eu cadw yn y cartref wedi eu symud i genel am y tro.

Yn gynharach, dywedodd Gwasanaeth Ambiwlans Cymru eu bod wedi anfon tri ambiwlans brys, dau ambiwlans ymateb cyflym ac ambiwlans awyr mewn ymateb i'r digwyddiad.

Cafodd y ffordd ei chau am gyfnod gan yr heddlu.

Pynciau Cysylltiedig