John Toshack: Cyn-reolwr Cymru yn yr ysbyty ar ôl cael Covid-19

Roedd John Toshack - sydd wedi bod yn rheolwr ar draws y byd - yn un o sêr Cymru a Lerpwl yn y 70au

Mae cyn-reolwr Cymru, John Toshack yn yr ysbyty yn Sbaen ar ôl dal Covid-19.

Y gred ydy bod un o gewri pêl-droed Cymru, sy'n 72 oed, mewn cyflwr difrifol iawn.

Mae adroddiadau o Sbaen yn dweud bod cyn-reolwr Real Madrid yn dioddef o niwmonia a achoswyd gan coronafeirws, a'i fod ar beiriant anadlu.

Sgoriodd Toshack 13 o weithiau mewn 40 gêm i Gymru cyn dod yn rheolwr y tîm cenedlaethol ddwywaith, yn 1994 ac o 2004 i 2010.