Cofio Euro 2016: Cymru v Gwlad Belg

Mae 1 Gorffennaf yn nodi pedair blynedd i'r diwrnod ers y gêm fythgofiadwy rhwng Cymru a Gwlad Belg yn Euro 2016.

Fe ddylai cefnogwyr pêl-droed Cymru fod yn mwynhau Euro 2020 ar hyn o bryd wrth gwrs, ond gan fod y bencampwriaeth wedi ei gohirio, efallai bod hi'n gyfle i hel atgofion.

ffans Image copyright PHILIPPE HUGUEN

Mae Lille ar y ffin rhwng Ffrainc a Gwlad Belg, a gyda Lille ond 34 munud ar y trên o Frwsel fe olygodd bod miloedd mwy o Felgiaid na Chymru yn y ddinas y diwrnod hwnnw. Dyma oedd yr olygfa yn y brif sgwar, La Grand Place, cyn y gêm.


ffans Image copyright EMMANUEL DUNAND

Roedd hi'n brynhawn Gwener ag awyrgylch arbennig iawn yn Lille, gyda chefnogwyr Cymru a Gwlad Belg yn cymsygu ac yn yfed ar y strydoedd.


red devils Image copyright Photonews

Ond roedd y 'Red Devils' yn uchel eu cloch, gyda'r rhan fwya' yn ffyddiog o fuddugoliaeth - ac felly hefyd oedd hi gyda'r bwcis.


ffans Image copyright PHILIPPE HUGUEN

Gêm bêl-droed gydag awyrgylch carnifal, ac oedd, mi roedd y cwrw yn llifo cyn y gêm.


stadiwm Image copyright PAUL ELLIS

Maes y frwydr: Stade Pierre-Mauroy yn ardal Villeneuve-d'Ascq o ddinas Lille. Agorwyd y stadiwm yn 2012 gyda lle i oeddeutu 50,000 o dorf.


belg Image copyright DENIS CHARLET

Roedd carfan Gwlad Belg yn cael ei ystyried fel un hynod dalentog, gydag Eden Hazard o Chelsea, Kevin De Bruyne o Man City a Romelu Lukaku o Everton ymysg yr enwau mwyaf.


cymru Image copyright DENIS CHARLET

Ond fe roedd gan Gymru hefyd chwaraewyr o safon, fel Aaron Ramsey a Joe Allen, heb anghofio wrth gwrs seren Real Madrid, Gareth Bale.


brenin Image copyright EMMANUEL DUNAND

Ymweliad Breninhol: roedd Brenin Philippe o Wlad Belg yn y dorf ar gyfer y gêm, gyda'i ferch, y Dywysoges Elisabeth.


arwyddion Image copyright Matthias Hangst

Un o edmygwyr chwaraewr Athletico Madrid a Gwlad Belg, Yannick Carrasco, ac hefyd arwydd yn awgrymu bod Cymru angen achubiaeth.


anthem Image copyright Alex Grimm - UEFA

Yr anthem yn cael ei chanu cyn un o'r gemau mwyaf yn hanes pêl-droed Cymru.


belg Image copyright Michael Regan

Roedd hi'n ddechreuad siomedig i Gymru gyda Radja Nainggolan o glwb Roma yn rhoi Gwlad Belg ar y blaen gyda ergyd wych wedi 13 munud o chwarae.


williams Image copyright Mike Hewitt

Ond fe ddaeth Cymru'n nôl gyda'r capten Ashley Williams yn penio i'r rhwyd o gic gornel wedi 31 munud.


kanu Image copyright Mike Hewitt

Ac yna daeth un o'r digwyddiadau mwyaf eiconig yn hanes pêl-droed Cymru; troad Hal Robson-Kanu yn y cwrt cosbi a gôl i roi Cymru ar y blaen.


kanu Image copyright Clive Rose

Doedd dim all golwr Chelsea, Thibaut Courtois, ei wneud i achub ei dîm wrth i Gymru gyfan ddathlu.


fanzone Image copyright GEOFF CADDICK

Y golygfeydd yn ardal y cefnogwyr yng Nghaerdydd wedi gôl Hal Robson-Kanu.


vokes Image copyright Chris Brunskill Ltd

I goroni noson fythgofiadwy fe sgoriodd yr eilydd Sam Vokes gyda pheniad gwych gydag ond pum munud o'r gêm yn weddill.


dathlu Image copyright Stu Forster

Sam Vokes, Gareth Bale, Joe Allen a Chris Gunter yn dathlu.


ffans cymru Image copyright Mike Hewitt

Y cefnogwyr yn gorfoleddu wedi'r chwiban olaf, buddugoliaeth 3-1 i Gymru.


dathlu ennill Image copyright Anadolu Agency

Y garfan yn dathlu ar noson arbennig fydd yn aros yn y cof am flynyddoedd lawer.


Hefyd o ddiddordeb: