Prif Weinidog y DU, Boris Johnson yn gadael yr ysbyty

Published
Pynciau Cysylltiedig
image copyrightReuters

Mae Prif Weinidog y DU, Boris Johnson wedi gadael yr ysbyty ar ôl iddo gael ei drin am coronafeirws.

Dywedodd Downing Street na fydd yn dychwelyd i'w waith am y tro.

Cafodd Mr Johnson, 55, ei gymryd i Ysbyty St Thomas yn Llundain ddydd Sul, 5 Ebrill, 10 diwrnod wedi iddo gael prawf positif am y feirws.

Treuliodd dair noson yn yr uned gofal dwys cyn dychwelyd i ward arferol ddydd Iau.

Dywedodd Downing Street y bydd y Prif Weinidog yn mynd i'w gartref cefn gwlad, Chequers, wrth iddo barhau i wella.

Yr Ysgrifennydd Tramor, Dominic Raab sy'n rhedeg y llywodraeth tra bo Mr Johnson yn gwella, gydag aelodau o'i dîm yn rhagweld na fydd yn ôl wrth ei waith am hyd at fis.

Dywedodd arweinydd grŵp y Ceidwadwyr yn y Cynulliad, Paul Davies bod y newyddion yn "wych, nid yn unig i'r Blaid Geidwadol, ond i'r Deyrnas Unedig drwyddi draw".

Straeon perthnasol