Hyfforddwr tîm merched Cymru yn gadael ei swydd

Published
image copyrightGareth Everett
image captionRowland Phillips a'i ferch Carys sydd wedi ennill 51 cap dros Gymru, ond ni chafodd ei dewis ar gyfer cyfres y Chwe Gwlad eleni

Mae prif hyfforddwr tîm rygbi merched Cymru, Rowland Phillips, wedi gadael ei swydd.

Daw hyn ar ôl i Phillips fod yn absennol o'i swydd am gyfnod, heb fod rheswm wedi cael ei roi.

Ym mis Hydref dywedodd Undeb Rygbi Cymru y byddai Phillips yn colli dwy gêm brawf gan "gymryd amser i ffwrdd o'i waith".

Doedd Phillips ddim yn bresennol ar gyfer cyfres yr hydref na chyfres y chwe gwlad.

Dywedodd llefarydd ar ran Undeb Rygbi Cymru ei fod wedi "gadael ei swydd oherwydd ei fod am geisio am gyfleoedd eraill."

"Hoffai Undeb Rygbi Cymru ddiolch i Rowland am ei gyfraniad a'i ymroddiad yn ystod ei gyfnod gyda ni, ac rydym yn dymuno'r gorau iddo yn y dyfodol," meddai datganiad ar ran yr undeb wrth gadarnhau'r newyddion ei fod yn gadael.

Mae'r hyfforddwyr Chris Horsman, Geraint Lewis a Gareth Wyatt wedi bod yn ymgymryd â dyletswyddau Phillips yn ei absenoldeb.

Straeon perthnasol