Canfod corff dyn oedrannus mewn tân yn Wrecsam

Tan

Mae Gwasanaeth Tân ac Achub Gogledd Cymru wedi cadarnhau fod dyn oedrannus wedi marw mewn tân mewn eiddo yn Wrecsam.

Fe gafodd dwy injan dân eu hanfon i eiddo yn ardal Holt o'r dref toc wedi 21:00 nos Fawrth.

Daeth cadarnhad bod corff dyn a gredir ei fod yn ei 80au wedi ei ganfod gan ddiffoddwyr.

Bydd y gwasanaeth tân nawr yn ymchwilio i achos y tân.