BBC Cymru Fyw

Pro14: Gweilch 14-16 Southern Kings

Published
image copyrightHuw Evans picture agency

Roedd hi'n brynhawn i'w anghofio i'r Gweilch ddydd Sadwrn wrth i Southern Kings ennill gêm oddi cartref am y tro cyntaf y tymor hwn yn Stadiwm Liberty.

Erich Cronje sgoriodd unig gais yr hanner cyntaf, gyda Scott van Breda yn cicio'r gweddill i'w gwneud yn 0-13 i'r ymwelwyr ar yr egwyl.

Er i'r Gweilch daro 'nôl gyda cheisiau gan Morgan Morris a Hanno Dirksen, roedd un gôl gosb yn yr ail hanner yn ddigon i sicrhau'r fuddugoliaeth i'r tîm o Dde Affrica.

Dim ond unwaith mae'r Gweilch wedi ennill hyd yn hyn y tymor hwn, gyda Zebre yn unig yn is yn y tabl yn Adran A y Pro14.

Pynciau Cysylltiedig

  • Chwaraeon
  • Rygbi
  • Y Gweilch