Maynard yn arwyddo cytundeb tair blynedd â Morgannwg

Cyhoeddwyd
Ffynhonnell y llun, Huw Evans picture agency
Disgrifiad o’r llun,
Mae Matthew Maynard wedi arwyddo cytundeb tair blynedd

Mae Morgannwg wedi ailbenodi Matthew Maynard fel prif hyfforddwr ar gytundeb tair blynedd.

Y cyn-fatiwr oedd yr hyfforddwr dros dro yn 2019, ac roedd hefyd wedi rheoli'r clwb rhwng 2008 a 2010.

Llynedd fe wnaeth y sir orffen yn y pedwerydd safle yn ail adran Pencampwriaeth y Siroedd.

Yn ystod ei yrfa fel batiwr roedd Maynard yn gapten ar Forgannwg, gan arwain y tîm i'r Bencampwriaeth yn 1997.

Mae hefyd wedi chwarae 18 gwaith i Loegr.

Fe ddychwelodd i Forgannwg am ei ail gyfnod gyda'r clwb fel ymgynghorydd batio yn 2017 o dan Robert Crofft, gan gael ei ddyrchafu i'r brif swydd ar gyfer tymor 2019.

Straeon perthnasol

Pynciau Cysylltiedig