Adran Dau: Casnewydd 1-2 Salford

Gwewyr Tristan Abrahams wedi i'w gic o'r smotyn gael ei harbed Image copyright Huw Evans picture agency
Image caption Gwewyr Tristan Abrahams wedi i'w gic o'r smotyn gael ei harbed

Colli fu hanes Casnewydd adref yn erbyn Salford ddydd Sadwrn.

Gêm gymharol gyfartal oedd hi er fod Casnewydd yn ymosod yn gyson.

Salford gafodd y rheswm cyntaf i ddathlu - daeth gôl o ben Cameron Burgess wedi cic gornel gan Conway.

Ymhen chwe munud, yn ystod yr amser ychwanegol ar ddiwedd yr hanner cyntaf daeth cic gornel i Gasnewydd ac fe wyrodd y bêl i'r rhwyd oddi ar Nathan Pond, amddiffynnwr Salford.

Roedd hi'n 1-1 ar hanner amser.

Naw munud oedd wedi mynd o'r ail hanner pan enillodd Salford gic rydd yn hanner Casnewydd - daeth y bêl i'r blwch cosbi lle roedd Lois Maynard ac fe beniodd y bêl i gornel uchaf gôl Casnewydd.

Wrth i'r ymwelwyr fynd ar y blaen roedd Casnewydd yn parhau yn ymosodol a chafwyd cic o'r smotyn ond fe arbedodd Howard y gic gan Abrahams.

Salford felly yn fuddugol o ddwy gôl i un.

Straeon perthnasol