Ramsey 'i aros yng Nghymru i wella' cyn gêm Croatia

Aaron Ramsey Image copyright Getty Images
Image caption Nid yw Aaron Ramsey wedi chwarae i Gymru ers mis Tachwedd 2018

Daeth cadarnhad nad yw Aaron Ramsey wedi teithio gyda gweddill carfan Cymru i Slofacia ar gyfer eu gêm nesaf yn rowndiau rhagbrofol Euro 2020.

Mae'r tîm hyfforddi wedi penderfynu cadw'r chwaraewr yng Nghaerdydd yn dilyn pryderon am ei ffitrwydd.

Ond mae Cymru'n obeithiol y bydd Ramsey ar gael ar gyfer y gêm yn erbyn Croatia yng Nghaerdydd nos Sul.

Y tro diwethaf i'r Ramsey, 28, chwarae dros Gymru oedd ym mis Tachwedd 2018.

Ddydd Sadwrn, yn ystod buddugoliaeth Juventus dros Inter Milan, fe dreuliodd Ramsey y gêm gyfan ar y fainc ar ôl i'r hyfforddwr Maurizio Sarri ddweud bod un o'i gyhyrau wedi teimlo'n dynn tra'r oedd yn cynhesu yn ystod hanner amser.

Nid yw Ramsey wedi chwarae yn yr un o gemau rhagbrofol Cymru yn y gystadleuaeth hyd yma.

Straeon perthnasol