Agor Llety Arall yng Nghaernarfon
Nid oes modd chwarae darnau sain a fideo ar eich dyfais

Taith o amgylch Llety Arall Caernarfon cyn iddo agor

11 Gorffennaf 2019 Diweddarwyd 07:08 BST

Mae digwyddiad arbennig yn cael ei gynnal yng Nghaernarfon ddydd Iau i ddathlu carreg filltir yn hanes menter gymunedol yn y dref.

Mae Llety Arall wedi ei leoli ar Stryd y Plas, ger y castell yng Nghaernarfon, ac mae'n darparu llety ar gyfer grwpiau bychain, teuluoedd, oedolion a phobl ifanc.

Mae'r digwyddiad ddydd Iau yn nodi fod y llety bellach wedi agor saith llofft, a bod ymwelwyr eisoes wedi bod yn aros yno.

Cafodd BBC Cymru Fyw gipolwg y tu mewn i'r adeilad cyn iddo agor i'r cyhoedd.