Caniatâd i symud archfarchnad Lidl yng Nghaerfyrddin

Llun artist o'r siop fyddai'n cymryd lle hen orsaf heddlu yng Nghaerfyrddin Image copyright Llun artist
Image caption Llun artist o'r siop fyddai'n cymryd lle hen orsaf heddlu yng Nghaerfyrddin

Mae cynlluniau i symud archfarchnad Lidl i hen safle gorsaf heddlu yng nghanol Caerfyrddin wedi cael eu cymeradwyo.

Mae'r cwmni'n bwriadu dymchwel yr hen orsaf ar heol Friars Park er mwyn adeiladu'r siop newydd.

Mae'r cynlluniau wedi'u cymeradwyo er gwaethaf gwrthwynebiad ymgyrchwyr sy'n credu y gallai beryglu gweddillion archeolegol.

Roedd Cymdeithas Ddinesig Caerfyrddin yn dweud y gallai'r cynlluniau hefyd gael effaith ar gofeb Bulwarks gerllaw.

Image caption Dywedodd Lidl bod ei safle presennol yn y dref yn rhy fach i gwrdd â disgwyliadau ei gwsmeriaid

Ond fe gyhoeddodd corff Cadw ddydd Mawrth ei bod o'r farn na fyddai'r datblygiad yn cael "effaith annerbyniol" ar y gofeb na'r safle archeolegol.

Yn ei gais dywedodd Lidl bod ei safle presennol yn y dref yn rhy fach i gwrdd â disgwyliadau ei gwsmeriaid.

Dywedodd y cwmni y byddai'n gweithio gyda Cadw a sicrhau y bydd yr archfarchnad yn cadw o fewn y cais cynllunio.

Straeon perthnasol