Dyn wedi marw wrth linell derfyn hanner marathon Abertawe

Rhedeg Marathon Image copyright Andrew Burton

Roedd rhedwr fu farw yn ystod hanner marathon yn Abertawe dros y penwythnos wedi syrthio wrth y llinell derfyn, yn ôl yr heddlu.

Bu'n rhaid i'r dyn gael cymorth ar ôl iddo syrthio ar Stryd Adelaide, Abertawe, am 13:20 brynhawn Sul.

Er iddo gael triniaeth yn y fan a'r lle gan wirfoddolwyr Gwasanaeth Sant Ioan, bu farw yn Ysbyty Treforys yn ddiweddarach.

Yn ôl yr heddlu does dim amgylchiadau amheus i'r farwolaeth ac mae'r crwner wedi cael gwybod.

Image copyright Google
Image caption Mae Stryd Adelaide fetrau'n unig o ddiwedd yr hanner marathon

Dywedodd llefarydd ar ran Gwasanaeth Sant Ioan: "Fe dderbyniodd y claf gymorth buan cyn cael ei drosglwyddo i'r ysbyty.

"Rydyn ni'n cydymdeimlo gyda theulu'r claf a'i ffrindiau yn ystod y cyfnod anodd hwn."

Pynciau Cysylltiedig

Straeon perthnasol