Chwe Gwlad: Un newid i dîm Cymru i wynebu'r Alban

Adam Beard Image copyright Huw Evans picture agency
Image caption Bydd Adam Beard yn dechrau'r gêm yn erbyn Yr Alban yn lle Cory Hill, sydd wedi'i anafu

Mae Warren Gatland wedi gwneud un newid i dîm Cymru fydd yn dechrau'r gêm yn erbyn Yr Alban ym Mhencampwriaeth y Chwe Gwlad ddydd Sadwrn.

Bydd y clo, Adam Beard yn dechrau'r gêm yn lle Cory Hill, sydd allan o weddill y gystadleuaeth yn dilyn anaf i'w bigwrn.

Mae gweddill y tîm yn cynnwys y chwaraewyr ddechreuodd y fuddugoliaeth o 21-13 yn erbyn Lloegr yn Stadiwm y Principality.

Yr unig newid arall i'r garfan yw bod Jake Ball yn cymryd lle Beard ar y fainc.

Bydd Gareth Anscombe yn parhau yn safle'r maswr, gyda Dan Biggar, unwaith eto yn gorfod bodloni gyda lle ymysg yr eilyddion.

Fe fydd buddugoliaeth yn Murrayfield ddydd Sadwrn yn golygu y bydd Cymru gam yn nes at sicrhau Camp Lawn, gydag un gêm yn weddill yn erbyn Iwerddon ar benwythnos olaf y bencampwriaeth.

Yn y cyfamser, does dim lle i'r capten Greig Laidlaw yn nhîm Yr Alban, gydag Ali Price yn dechrau'n safle'r mewnwr yn ei lle.

Mae hynny'n un o bedwar newid sydd i dîm Gregor Townsend ar gyfer y gêm yng Nghaeredin.

Tîm Cymru

Liam Williams; George North, Jonathan Davies, Hadleigh Parkes, Josh Adams; Gareth Anscombe, Gareth Davies; Rob Evans, Ken Owens, Tomas Francis, Adam Beard, Alun Wyn Jones (C), Josh Navidi, Justin Tipuric, Ross Moriarty.

Eilyddion: Elliott Dee, Nicky Smith, Dillon Lewis, Jake Ball, Aaron Wainwright, Aled Davies, Dan Biggar, Owen Watkin.

Tîm Yr Alban

Blair Kinghorn; Tommy Seymour, Nick Grigg, Pete Horne, Darcy Graham; Finn Russell, Ali Price; Allan Dell, Stuart McInally (C), Willem Nel, Grant Gilchrist, Jonny Gray, Magnus Bradbury, Jamie Ritchie, Josh Strauss.

Eilyddion: Fraser Brown, Gordon Reid, Simon Berghan, Ben Toolis , Hamish Watson, Greig Laidlaw, Adam Hastings, Byron McGuigan.

Straeon perthnasol