Euro 2021: Merched Cymru yn yr un grŵp a Gogledd Iwerddon

Jess Fishlock

Cyn bencampwyr y byd, Norwy, yw'r prif ddetholion yng ngrŵp tîm Merched Cymru ar gyfer gemau rhagbrofol Euro 2021.

Roedd Cymru yn yr ail bot, gyda Belarws, Gogledd Iwerddon a'r Ynysoedd Ffaro yn ymuno â nhw yng Ngrŵp C.

Bydd Merched Cymru yn gobeithio adeiladu ar ymgyrch calonogol iawn y llynedd a welodd dîm Jayne Ludlow yn gorffen yn ail i Loegr yng ngemau rhagbrofol Cwpan y Byd.

Cafodd y grwpiau eu dewis mewn seremoni arbennig yn Nyon, Y Swistir ddydd Iau.

Bydd y gystadleuaeth yn cael ei chynnal yn Lloegr ym mis Gorffennaf 2021.