Apêl heddlu wedi gwrthdrawiad difrifol yn Afonwen

A541 ger Afonwen Image copyright Google
Image caption Fe ddigwyddodd y gwrthdrawiad ar yr A541 ger Afonwen

Mae Heddlu Gogledd Cymru yn apelio am wybodaeth ynghylch gwrthdrawiad difrifol yn cynnwys tractor a beic modur rhwng Dinbych a'r Wyddgrug.

Fe ddigwyddodd y gwrthdrawiad ar yr A541 ger Afonwen tua 15:30 ddydd Sadwrn.

Mae'r llu yn awyddus i siarad â gyrrwr cerbyd du oedd y tu ôl i'r tractor.

Bu'n rhaid cau'r ffordd am rai oriau ac roedd yna apêl i yrwyr gadw draw o'r ardal.

Cafodd y gwasanaeth tân hefyd eu galw mewn ymateb i'r digwyddiad.