Y Gynghrair Genedlaethol: Bromley 2-0 Wrecsam

Cyhoeddwyd
Ffynhonnell y llun, Getty Images

Cafodd Wrecsam ergyd i'w gobeithion o ennill dyrchafiad o'r Gynghrair Genedlaethol ar ôl cael eu trechu oddi cartref yn Bromley nos Fawrth.

Aeth y tîm cartref ar y blaen ar ôl 20 munud, gyda chic gornel Frankie Raymond yn canfod Marc Okoye, beniodd i gefn y rhwyd.

Dyblwyd mantais Bromley ar ddiwedd yr hanner cyntaf wrth i George Porter ergydio heibio i'r golwr Rob Lainton yn dilyn croesiad Adam Mekki.

Dyma'r drydedd gêm i Wrecsam golli yn olynol, ac mae'n golygu eu bod yn disgyn i'r pedwerydd safle yn y tabl, ond dim ond pedwar pwynt y tu ôl i Leyton Orient ar y brig.