Codi mwy o arian i Blant Mewn Angen yng Nghymru

Mae Plant Mewn Angen yng Nghymru wedi codi £2.45m wedi diwrnod llawn digwyddiadau ddydd Gwener.

Ar draws y DU codwyd £50.6m.

Ers cychwyn Diwrnod Plant Mewn Angen yn 1980 mae £1bn wedi'i godi.

Mae'r swm a godwyd eleni ychydig yn uwch na'r llynedd sef £2.4m.

Ymhlith y gweithgareddau roedd ymgyrch cyflwynydd Radio Cymru Aled Hughes i gael plant Cymru i rannu 'Pawen Lawen' ac erbyn nos Wener yr oedd 30,000 o bawennau bach llawen wedi eu rhannu.