Cymru'n gwneud 14 newid i'r tîm fydd yn wynebu Tonga

Published
image copyrightGetty Images
image captionBydd Jonah Holmes yn gwneud ei ymddangosiad cyntaf ddydd Sadwrn

Mae Cymru wedi gwneud 14 newid i'r tîm i wynebu Tonga ddydd Sadwrn - gyda Dan Biggar a Liam Williams ymysg y rhai sy'n dychwelyd.

Bydd asgellwr Caerlŷr, Jonah Holmes, yn ennill ei gap cyntaf yn safle'r cefnwr, gyda'r clo Adam Beard yr unig un i gadw'i le o'r tîm oedd yn fuddugol yn erbyn Awstralia wythnos diwethaf.

Mae'r blaenasgellwr ifanc Aaron Wainwright yn dechrau yn y rheng-ôl, wrth ochr Seb Davies ac Ellis Jenkins, sy'n gapten.

Bydd Liam Williams, sy'n cychwyn ar yr asgell, yn ennill cap rhif 50.

Yn y rheng-flaen, bydd prop y Scarlets, Wyn Jones, yn dechrau gêm ryngwladol am y tro cyntaf.

Nid yw'r BBC yn gyfrifol am gynnwys safleoedd allanolGweld mwy ar Twitter

Dydy Cymru erioed wedi colli yn erbyn Tonga, a bydd y garfan yn hyderus o adeiladu ar fuddugoliaethau yn erbyn Yr Alban ac Awstralia yng Nghyfres yr Hydref eleni.

Os fydd Cymru'n ennill yn Stadiwm Principality ddydd Sadwrn, byddan nhw'n sicrhau wythfed fuddugoliaeth yn olynol.

Tîm Cymru i herio Tonga

Jonah Holmes; Liam Williams, Tyler Morgan, Owen Watkin, Steff Evans; Dan Biggar, Tomos Williams; Wyn Jones, Elliot Dee, Leon Brown, Jake Ball, Adam Beard, Aaron Wainwright, Ellis Jenkins (c), Seb Davies.

Eilyddion: Ryan Elias, Rob Evans, Tomas Francis, Cory Hill, Ross Moriarty, Aled Davies, Rhys Patchell, Josh Adams.

Straeon perthnasol